កីឡាករ២រូបរបស់ក្លិប Barcelona អាចនឹងត្រូវអវត្តមានរយៈពេលយូរខែ ដោយសាររបួស

អេស្ប៉ាញ៖  សារព័ត៌មាន Euro Sport បានចេញផ្សាយថា​ កីឡាករខ្សែការពារលោក Gerard Pique និង កីឡាករខ្សែបម្រើលោក Sergi Roberto របស់ក្លិប Barcelona អាចនឹងត្រូវអវត្តមានរយៈពេលយូរខែ ដោយសាររបួស។ 

ប្រភពព័ត៌មានខាងលើបានឱ្យដឹងទៀតថា អំឡុងការប្រកួតចាញ់ Atletico Madrid ១-០ កីឡាករ Gerard Pique បានប៉ះទង្គិចជាមួយខ្សែប្រយុទ្ធ Angel Correa ហើយត្រូវបានប្ដូរចេញជំនួសដោយកីឡាករ Sergino Dest។

យ៉ាងណាមិញ កីឡាករវ័យ៣៣ឆ្នាំខាងលើ បានរងរបួសជង្គង់ខាងស្ដាំ និងផ្នែកខ្លះនៃសរសៃពួរសាច់ដុំ ដែលធ្វើឱ្យគេ ត្រូវអវត្តមានចន្លោះពី៣ទៅ៥ខែ ខណៈដែលខ្សែបម្រើ Sergi Roberto រងរបួសដាច់សរសៃរពួរ ហើយត្រូវសម្រាក ២ខែ។

គួរឱ្យដឹងថា បច្ចុប្បន្នពួកគេកំពុងឈរលេខ១២នៅក្នុងតារាងពិន្ទុដែលមានតែ១១ពិន្ទុគត់ ហើយសម្រាប់ការចាញ់ Atletico Madrid នោះគឺជាការបរាជ័យលើកទី៣សម្រាប់៨ប្រកួតក្នុងរដូវកាលនេះនៅ La Liga របស់ក្លិប Barcelona ៕