ទីបំផុត គួន អ៊ូ ស្ដេចត្រាញ់ប្រចាំសង្វៀន Super Champ បានស្គាល់ពាក្យថា ចាញ់ជាលើកដំបូងនៅលើសង្វៀននេះហើយ(មានវីដេអូ)

បរទេស ៖ គ្រប់គ្នាប្រាកដជាស្គាល់ហើយ អ្នកប្រដាល់ថៃឈ្មោះ គួន អ៊ូ ដែលគេចាត់ទុកថាជាស្ដេចត្រាញ់ ប្រចាំសង្វៀន Super Champ ប្រទេសថៃ ហើយកីឡាកររូបនេះហើយ ដែលធ្លាប់ផ្ដួលកីឡាករស្រុកខ្មែរជាច្រើនរូបដូចជាកីឡាករ រឿង សោភ័ណ្ឌ, ធឿន ធារ៉ា, យ៉ាម ខេមរា, ឆៃ សារ៉ា មានទាំងឈ្នះសន្លប់ និងដោយពិន្ទុ ។

គួន អ៊ូ ត្រូវបានគេដឹងថា ជាកីឡាករមួយរូបដែលរឹងមាំ ធន់ និងស៊ុសវិញនោះរឹតតែល្អទៀត ។ ដូច្នេះកីឡាករភាគច្រើនដែលជួបជាមួយគេ កម្រទទួលបានជ័យជម្នះពីគេណាស់ ។

ប៉ុន្តែថ្មីៗនេះ គួន អ៊ូ ត្រូវបានបរាជ័យជាលើកដំបូងលើសង្វៀន Super Champ ហើយ ដោយរូបគេត្រូវបានកីឡាករជនជាតិប្រេហ្ស៊ីល គឺកីឡាករ Luis  Cajaiba ដែលជាម្ចាស់ខ្សែក្រវាត់ WBC វ៉ៃឡើកទក់សាច់តែម្ដង ។

ជាលទ្ធផល គួន អ៊ូ ចាញ់ដោយពិន្ទុ ដោយបន្សល់ទុកនូវស្នាមបែកចិញ្ចើមខាងស្នាំជាប់ជាមួយផងដែរ។ គួរបញ្ជាក់ដែរថា ការប្រកួតនេះ គឺប្រកួតស្ថិតក្នុងប្រភេទទម្ងន់៦៨គីឡូក្រាម ៕