នេះជាមូលហេតុដែល Tzuyu និង Mina ក្រុម TWICE មិនសូវចេះនិយាយច្រើន!

កូរ៉េខាងត្បូង ៖ ក្នុងកម្មវិធីមួយរបស់ Radio Star វត្តមានរបស់តារាស្រីក្រុម TWICE ធ្វើឲ្យបណ្ដាអ្នកគាំទ្រគាំង និងផ្ទុះសំណើចមិនតិចទេ ពេលដឹងការពិត នៅពីក្រោយភាពស្ងៀមស្ងាត់ របស់សមាជិកទាំងពីរនាក់ក្នុងក្រុមគឺ Tzuyu និង Mina ។

ជាក់ស្ដែង បើទោះបីជាហ្វេនៗ ស្រលាញ់ការរក្សាភាពស្ងប់ស្ងាត់របស់ពួកគេក៏ដោយ ប៉ុន្ដែកំឡុងពេលនៃកម្មវិធីនោះ មានហ្វេនម្នាក់និយាយថា ចង់លឺសម្លេងរបស់ Mina ច្រើនជាងគេ។ ក្រោយពីដឹងបែបនេះហើយ Mina ក៏បានពោលថា វាពិតជាត្រឹមត្រូវហើយ ព្រោះនាងមិននិយាយច្រើនទេ។

ទន្ទឹមនឹងចម្លើយរបស់​ Mina តារាស្រី Nayeon ជាសមាជិកក្រុម TWICE ម្នាក់ទៀតបានបញ្ជាក់ដើម្បីកុំឲ្យហ្វេនៗមានការយល់ច្រឡំ ដោយលើកឡើងថា តាមពិតទៅ ​Mina នាងជាមនុស្សដែលចូលចិត្តនិយាយច្រើន ជាងការគិតរបស់អ្នកទាំងអស់គ្នាទៅទៀត។

លើសពីនេះទៅទៀត នាងបានបន្ថែមថា គ្រាន់តែពេលនិយាយក្នុងកម្មវិធីបែបនេះ នាងនិយាយរាងទន់ភ្លន់បន្តិច​ វាធ្វើឲ្យពួកយើងមិនអាចស្ដាប់ Mina និយាយបានច្បាស់ ហេតុនេះទើប Mina មិនសូវនិយាយស្ដីច្រើនក្នុងកម្មវិធីបែបនេះ។

ជាមួយគ្នានេះដែរ ពួកគេក៏បាននិយាយដល់ Tzuyu ផងដែរថា Tzuyu នាងក៏រក្សាភាពស្ងប់ស្ងាត់ដូចគ្នា។​ ភ្លាមនោះតារាស្រី Tzuyu នាងក៏មិនបានបដិសេធ នូវអ្វីដែលគ្រប់គ្នាលើកឡើងនោះឡើយ។ ហើយនាងថែមទាំងចែករំលែកថា នាងតែងតែនៅស្ងៀមស្ងាត់បំផុត ពេលកំពុងថតកម្មវិធីទូរស្សន៍។

ទោះបីជាពួកគេមិនសូវនិយាយស្ដី​ច្រើន ក្នុងកម្មវិធីទូរស្សន៍ ប៉ុន្ដែហ្វេនៗពិតជាដឹងច្បាស់ហើយថា មិនថាពួកគេទាំងពីរ ឬសមាជិកក្រុម TWICE ទាំងអស់ គ្រប់គ្នាសុទ្ធតែមានបុគ្គលិកលក្ខណៈ រួសរាយរាក់ទាក់ និងគួរឲ្យស្រលាញ់ចំពោះហ្វេនៗជានិច្ច៕

សូមទស្សនារូបភាពខាងក្រោម ៖