អ្នកដឹកនាំ គឺសំដៅទៅលើអ្នកត្រួសត្រាយផ្លូវ និងជាអ្នកនាំមុខគេរាល់កិច្ចការទាំងឡាយ ដូចនេះដើម្បីក្លាយខ្លួនជាមេដឹកនាំដែលពូកែ ឈ្លាសវៃ រឹងមាំម្នាក់ យើងគប្បីត្រូវតែចេះពីយុទ្ធសាស្រ្ត ចិត្តសាស្រ្ត ដើម្បីស្វែងយល់អំពីតម្រូវការ និងអារម្មណ៍របស់ក្រុមការងារ និងមនុស្សក្រោមបង្គាប់។ ខាងក្រោមនេះ គឺជាវិធីសាស្រ្តទាំង ២ ចំណុច ដើម្បីលើកទឹកចិត្តក្រុមការងាររាល់ថ្ងៃ ក្នុងការជម្នះឧបសគ្គ ខិតខំធ្វើការងារឲ្យមានប្រសិទ្ធភាពខ្ពស់ ដើម្បីសម្រេចគោលដៅ និងភាពជោគជ័យ៖
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សចំណុចទី១៖ ការចេះចែករំលែកកម្លាំងចិត្តរួមគ្នា
ក្រុមការងាររបស់យើងនឹងមានកម្លាំងចិត្តនៅពេលគេទាំងអស់គ្នាគិត និងយល់ស្របតាមគោលដៅរួមដែលពួកយើងត្រូវធ្វើតែមួយនោះដូចជា ៖
ការមានបេសកកម្មរួម គោលដៅច្បាស់លាស់ដើម្បីសម្រេចឱ្យបានសក្តានុពល នឹងគុណតម្លៃរួមនឹងធ្វើឱ្យក្រុមការងារមួយរួមសាមគ្គីគ្នាក្នុងរបៀបមួយដែលមានឥទ្ធិពល។ ក្រុមការងារមួយដែលមានការរួបរួមគ្នា និងមានចិត្តតែមួយអាចរក្សាទំនាក់ទំនងជាមួយគ្នាយ៉ាងមានប្រសិទ្ធភាពខ្ពស់។
ចំណុចទី២៖ ការដឹកនាំដោយធ្វើជាគំរូឲ្យគេមើល
ក្នុងនាមជាអ្នកដឹកនាំគេ អ្វីដែលសំខាន់បំផុតគឺជាការប្រាប់ក្រុមការងារ និងណែនាំពួកគេអំពីរបៀបធ្វើយ៉ាងណាឱ្យគេអាចបំពេញកាតព្វកិច្ចក្នុងតួនាទីរបស់ពួកគេប្រកបទៅដោយឆន្ទៈក្នុងកិច្ចការនោះ។ ដូចនេះអ្នកដឹកនាំល្អគម្បីត្រូវតែធ្វើខ្លួនជាគំរូ និងធ្វើខ្លួនជាអ្នកបង្ហាញក្រុមការងាររបស់អ្នក និងផ្តល់ឱកាសឱ្យគេបានចូលរួមក្នុងបុព្វហេតុនោះផង។ មេដឹកនាំដែលអនុវត្តដូចពាក្យសម្តីជាមនុស្សដែលមានឥទ្ធិពលខ្លាំងក្នុងការផ្តល់កម្លាំងចិត្តដល់អ្នកដទៃ។ អ្នកនឹងបាត់បង់តម្លៃ ប្រសិនបើអ្នកមិនអាចរក្សាពាក្យសម្តីរបស់ខ្លួនឯងបាន។ ជាងនេះទៅទៀត អ្នកត្រូវផ្តោតការយកចិត្តទុកដាក់លើក្រុមការងារណា ដែលបង្ហាញស្មារតីចង់ចេះចង់ដឹង និងចង់ធ្វើកិច្ចការឱ្យបានប្រសើរជាងគេ ដោយទទួលស្គាល់ និងផ្តល់តម្លៃចំពោះគំរូដែលគេបង្កើតឡើង៕