ខួបកំណើតកូនស្រី អាយុ៣ឆ្នាំ នី មុល្លីកា រៀបចំយ៉ាងសាមញ្ញជុំគ្រួសារយ៉ាងមានក្ដីសុខ

អាមេរិក៖ បើរម្លឹកដល់អតីតតតារាសម្ដែងស្រីដ៏មានឈ្មោះល្បីល្បាញក្នុងសង្គមសិល្បៈ អ្នកនាង នី មុល្លីកា​ ក្រោយរៀបការរួច តារារូបនេះបានសម្រេចចិត្តទៅរស់នៅលើទឹកដីអាមេរិកជាមួយស្វាមី ដើម្បីកសាងសុភមង្គលជីវិតគ្រួសារផងដែរ។ បើទោះបី ឃ្លាតឆ្ងាយពីសិល្បៈច្រើនឆ្នាំ តែតារាស្រីរូបនេះ នៅតែមានវត្តមានក្នុងដួងចិត្តមហាជនជានិច្ច ជាពិសេស មានទស្សនិកជនជាច្រើន ដែលចង់ដឹង​ ចង់ឮពីជិវិតឯកជនរបស់នាងដដែល។ 

បន្ទាប់ពីរៀបការអស់ជាច្រើនឆ្នាំកន្លងមកនេះ បច្ចុប្បន្ន អ្នកនាង នី មុល្លីកា ក៏មានកូនប្រុសស្រី ២នាក់មានមុខមាត់ឃ្យូតគួរឲ្យក្នាញ់មិនចាញ់នាងនោះទេ។ ម្យ៉ាងវិញទៀត នាពេលនេះ កូនៗទាំងពីររបស់នាង កាន់តែលូតលាស់ធំធាត់ជាងមុន ទៅតាមវ័យ និងអាយុផងដែរ។ បើក្រឡេកទៅមើលកូនស្រីពៅរបស់តារារូបនេះវិញ សព្វថ្ងៃកូនស្រីនាងមានអាយុ ៣ឆ្នាំ ហើយមុននេះបន្តិច តារារូបនេះ បានបង្ហោះរូបភាពបង្ហាញពីទិដ្ឋភាពរៀបចំពិធីខួបកំណើតជូនកូនស្រីពៅ។

ជាក់ស្ដែង ក្នុងពិធីខួបកំណើតនោះ គេឃើញមានតែសមាជិកគ្រួសារប៉ុន្មាននាក់ប៉ុណ្ណោះ បើទោះបីមិនបានរៀបចំពិធីឲ្យអធិកអធម តែមើលទៅ អ្នកនាង នី មុល្លីកា និងគ្រួសារបានបង្ហាញឲ្យឃើញនូវស្នាមញញឹម យ៉ាងសប្បាយរីករាយ មានក្ដីសុខខ្លាំងតែម្ដង។ ជាមួយគ្នានេះដែរ គេឃើញតារារូបនេះ បានរៀបចំខ្លួនជូនកូនស្រីយ៉ាងស្រស់ស្អាត ឃ្យូតដូចជាព្រះតូចយ៉ាងដូច្នោះដែរ ជាពិសេស ក្មេងស្រីរូបនេះ បានបង្ហាញអារម្មណ៍យ៉ាងពេញចិត្ត ក្រោយម្ដាយរៀបចំខួបកំណើតជូនបែបនេះ៕

សូមទស្សនារូបភាពខាងក្រោម៖​