ទើបតែដឹង តារាសម្ដែងទាំងនេះ សុទ្ធតែធ្លាប់ជាម្ចាស់ពានកម្មវិធីប្រឡងចម្រៀងពីមុន

ថៃ៖ ប្រិយមិត្តដែលជាហ្វេនរឿងភាគថៃ ច្បាស់ជាស្គាល់តារាប្រុសលំដាប់ឯកប៉ុន្មាននាក់ខាងក្រោមនេះជាក់ជាមិនខាន ដោយកាលពីគ្រាកន្លងមក ពួកគេបានសាងភាពល្បីល្បាញ និងបញ្ចេញទេពកោសល្យសម្ដែងបានយ៉ាងល្អ តាមរយៈរឿងភាគល្បីៗជាច្រើន សុទ្ធតែមានការគាំទ្រខ្លាំង។

ប៉ុន្តែដោយឡែក មានមនុស្សមួយចំនួនទៀត នៅមិនទាន់បានដឹងនៅឡើយទេថា តារាប្រុសទាំងនោះ មុនពេលដែលពួកគេបានក្លាយជាតារាចម្រៀងនិងសម្ដែងមានឈ្មោះល្បីដូចសព្វថ្ងៃ កាលពីមុនពួកគេសុទ្ធតែជាម្ចាស់ជ័យលាភី កាន់ពានរង្វាន់ក្នុងកម្មវិធីប្រឡងចម្រៀងថែមទៀតផង។

តារាទាំងនោះមានដូចខាងក្រោម៖

១.Tongtong Kitsakorn

តារាប្រុសរូបនេះ ជាម្ចាស់ពានរង្វាន់កម្មវិធីប្រឡងចម្រៀង The Star រដូវកាលទី ១២ ហើយសព្វថ្ងៃគេក៏កំពុងមមាញឹកជាមួយការងារសម្ដែងនិងច្រៀងផងដែរ។

២. Gun Napat 

សព្វថ្ងៃ Gun ជាតារាចម្រៀងនិងសម្ដែង ហើយកាលពីមុនគេក៏ជាម្ចាស់ពានរង្វាន់ក្នុងកម្មវិធី The Star រដូវកាលទី ៦ផងដែរ។

៣.Tono Pakin

តារាប្រុសរូបនេះក៏ដូចគ្នា កាលពីមុនគេក៏ជាបេក្ខជនក្នុងកម្មវិធីជាមួយ តារាប្រុស Gun ដែរ ដោយលោកទទួលបានចំណាត់ថ្នាក់លេខ២។

៤.Toomtam Yutthana

តារាប្រុសរូបនេះ ជាម្ចាស់ពានកម្មវិធី The Star រដូវកាលទី ៧ ក្នុងឆ្នាំ ២០១០។

៥.Bie Sukrit

Bie Sukrit ជាម្ចាស់ពានកម្មវិធី The Star រដូវកាលទី ៣ ក្នុងឆ្នាំ ២០០៦ ហើយមកទល់សព្វថ្ងៃគេក៏នៅតែសម្ដែងផង និងច្រៀងផងដូចធម្មតា។