បរទេស៖ អតីតសមាជិកក្រុម One Direction លោក Zayn Malik បានធ្វើឱ្យមានការភ្ញាក់ផ្អើលដល់មហាជន ជាពិសេសនោះអ្នកគាំទ្រ ឈ្លក់វង្វេង នៃរូបរាងថ្មី របស់តារាប្រុសរូបនេះ បន្ទាប់ពីបង្ហាញការផ្លាស់ប្តូរស្ទាយ៍ ដ៏សំខាន់មួយ ដែលបានដាច់ចិត្តកោរពុកមាត់ដ៏សែនស៊ិចស៊ីរបស់លោក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមលើរូបភាព ដែលបានត្រូវគេចែកចាយ លើបណ្តាញសង្គម ពាសពេញអ៉ីនធើណែត បានប្រទះឃើញមិត្តប្រុសតារាម៉ូដែល Gigi Hadid តាមសាធារណៈ ដែលបានគ្រងឈុតអាវធំ ពាក់វែនតាការពារកំដៅថ្ងៃពណ៌ទឹកតែ អ្វីដែលគួរឲ្យចាប់អារម្មណ៍នោះ មុខរបស់លោកប៉ាកូនមួយតែម្តង ត្រូវបានគេសង្កេតឃើញថា Zayn បានកោរពុកមាត់ ដែលមើលទៅមានសភាពក្មេងជាងវ័យតែម្តង។
យ៉ាងណាមិញ ការផ្លាស់ប្ដូរស្ទីលបែបនេះ ធ្វើឲ្យបណ្ដាហ្វេនៗ មានការភ្ញាក់ផ្អើលយ៉ាងខ្លាំង ក៏ប៉ុន្តែ នេះមិនមែនជាលើកទីមួយ សម្រាប់តារាប្រុសរូបនេះ បានជ្រើសរើសស្ទាយ៍ គ្មានពុកមាត់ ឬពុកចង្ការនោះទេ ព្រោះរូបលោកក៏បានបង្ហោះរូបភាពស្ទាយ៍អត់ពុកមាត់បែបនេះ លើបណ្តាញសង្គមម្តងរួចផងដែរ៕
សូមទស្សនារូបភាពខាងក្រោម៖