អេហ្ស៊ីប៖ កីឡាករខ្សែប្រយុទ្ធឆ្នើមរបស់អេហ្ស៊ីប និងក្លិបហង្សក្រហម Liverpool លោក Mohamed Salah បានឆ្លងជំងឺកូវីដ-១៩ បន្ទាប់ពីធ្វើតេស្តលើកទី២។ នេះបើតាមការចេញផ្សាយរបស់សារព័ត៌មាន Goal។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ កីឡាករវ័យ២៨ឆ្នាំរូបនេះ ធ្លាប់បានតេស្តវិជ្ជមានម្ដងហើយកាលពីសប្ដាហ៍មុន ទោះបីជាគ្មានចេញរោគសញ្ញាអ្វីក៏ដោយ។ ស្រាប់តែនាពេលថ្មីៗនេះ ពោលគឺកាលពីថ្ងៃពុធ ទី១៨ ខែវិច្ឆិកា ឆ្នាំ២០២០ សហព័ន្ធកីឡាបាល់ទាត់របស់អេហ្ស៊ីបបានបញ្ជាក់ថា Mohamed Salah ត្រូវបានធ្វើតេស្តម្ដងទៀត ដោយលទ្ធផលនោះ គឺវិជ្ជមានដដែល។
បញ្ហាខាងលើនេះផងដែរ អាចនឹងធ្វើឱ្យអតីតសមាជិករបស់ Basel, Chelsea និង Roma ខាងលើត្រូវអវត្តមានចំនួន ២ប្រកួតសម្រាប់ក្រុមរបស់លោក Jurgen Klopp ដោយសារបទបញ្ជាចត្តាឡីស័ក។ សម្រាប់ការប្រកួតនោះទៀតសោត គឺ Liverpool ទល់ជាមួយនឹង Leicester City នៅក្នុងក្របខ័ណ្ឌ Premier League នាថ្ងៃអាទិត្យចុងសប្ដាហ៍នេះ និង Champions League ទល់ជាមួយនឹង Atalanta នៅថ្ងៃទី ២៥ ខែវិច្ឆិកា។
គួរឱ្យដឹងដែរថាកីឡាករខ្សែប្រយុទ្ធឆ្នើម Mohamed Salah បានលេងក្នុងជម្រើស ១១នាក់ដំបូងទាំង ៨ប្រកួតសម្រាប់ ក្លិប Liverpool នៅក្នុង Premier League រដូវកាល២០២០-២០២១នេះ និងរកបាន៨គ្រាប់៕