រំភើបជំនួស ពេលនេះកុមារី យ៉ង់ ស្រីនីត កំពុងថតរឿងថ្មីជាមួយ ពាក់មី

ភ្នំពេញ៖ កាលពីប៉ុន្មានថ្ងៃមុននេះ តារាកំប្លែងលោក ពាក់មី បានប្រកាសរកលេខទូរស័ព្ទពីអាណាព្យបាលកុមារី យ៉ង់ ស្រីនីត ដែលរស់នៅក្នុងខេត្តមណ្ឌលគីរី កំពុងល្បីខ្លាំងក្នុងសង្គមក្នុងរយៈពេលចុងក្រោយនេះ។ មូលហេតុដែលតារាកំប្លែងរូបនេះ ប្រកាសរកកុមារីលក់ចេកឆាបនៅមណ្ឌលគីរីរូបនេះ ​ក៏ព្រោះតែតារារូបនេះ​ចង់ផ្ដល់ឱកាសឲ្យក្រេងស្រីរូបនេះ បានថតរឿងជាមួយលោកផងដែរ។​

បន្ទាប់ពីបង្ហោះស្វែងរកកុមារីរូបនេះរួចមិនបានប៉ុន្មានថ្ងៃផង មុននេះបន្តិច លោក ពាក់មី បានបង្ហោះរូបភាពបង្ហាញឲ្យឃើញពីសកម្មភាពកុមារី យ៉ង់ ស្រីនីត កំពុងថតរឿងថ្មីជូនលោកផងដែរ។ បើទោះបី តារាកំប្លែងរូបនេះ មិនទាន់បានបង្ហើបពីសាច់រឿងទាំងមូលជូនដល់ទស្សនិកជនបានជ្រាបច្បាស់ក៏ពិតមែន តែក៏មានមហាជនជាច្រើន បានសម្ដែងនូវក្ដីរំភើបជំនួសកុមារីរូបនេះគ្រប់គ្នាតែម្ដង។ 

គួរបញ្ជាក់ផងដែរថា ពេលនេះ កុមារី យ៉ង់ ស្រីនីត កំពុងស្ថិតនៅក្នុងទីក្រុងភ្នំពេញ ដើម្បីធ្វើការថតរឿងថ្មី បានមកពីការផ្ដល់ឱកាសពីតារាកំប្លែងល្បីឈ្មោះលោក ពាក់មី ផ្ទាល់តែម្តង ថែមទាំងតារាប្រុសរូបនេះ បានផ្ដល់នៅកន្លែងស្នាក់នៅយ៉ាងកក់ក្ដៅជូនដល់ក្មេងស្រីរូបនេះ រហូតដល់បញ្ចប់សាច់រឿងទាំងមូលតែម្ដង។ 

សូមទស្សនារូបភាពខាងក្រោម៖