តៃប៉ិ៖ កោះតៃវ៉ាន់បានប្រកាសនៅថ្ងៃសុក្រនេះថា ខ្លួននឹងចាប់ផ្តើម​ដំណើរការសាងសង់នាវាមុជទឹកថ្មីមួយក្នុងចំណោម ៨គ្រឿង ដើម្បីប្រើប្រាស់សម្រាប់ការពារកោះ ដែលកំពុងរងការគំរាមកំហែងយ៉ាងខ្លាំង ពីសំណាក់យោធាចិន។

កោះតៃវ៉ាន់បច្ចុប្បន្ន មាននាវាមុជទឹកចំនួន ៤គ្រឿង ដោយ ២គ្រឿង គឺមានអាយុកាលតាំងពីសម័យសង្គ្រាមលោកលើកទី២ មកម៉្លេះ។ ​ហើយកត្តានេះ មិនអាចជួយឱ្យកោះតៃវ៉ាន់អាច​ប្រៀបស្មើទៅនឹងកងនាវាចិន ដែលមាននាវាទំនើបៗបំពាក់​ជាមួយអាវុធនុយក្លេអ៊ែរបានទេ។

​សេចក្តីថ្លែងការណ៍​អ្នកនាំពាក្យការិយាល័យប្រធានាធិបតី លោក  Xavier Chang បាននិយាយថា កម្មវិធី​សាងសង់នាវាមុជទឹកថ្មីនេះ គឺជាផ្នែកសំខាន់មួយនៃការធ្វើទំនើបកម្មយោធាតៃវ៉ាន់ ដែលរៀបចំឡើងដោយលោកស្រីប្រធានាធិបតី Tsai Ing-wen ។

គួរជម្រាបថា ប្រធានាធិបតីតៃវ៉ាន់ លោកស្រី Tsai Ing-wen នឹងអញ្ជើញចូលរួមក្នុងពិធីបើកដំណើរការសាងសង់នាវាមុជទឹក នៅថ្ងៃអង្គារសប្តាហ៍ក្រោយនេះ។​ ហើយនាវាមុជទឹកដំបូងត្រូវគេរំពឹងថា នឹង​ផលិតរួចរាល់​ហើយដាក់ឱ្យប្រើប្រាស់នៅចុងឆ្នាំ ២០២៤៕

នាវាមុជទឹកតៃវ៉ាន់
នាវាមុជទឹកតៃវ៉ាន់
ប្រធានាធិបតីតៃវ៉ាន់លោកស្រី Tsai Ing-wen

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]