ឌូបៃ៖ បុរសសញ្ជាតិបារាំងម្នាក់ ដែលល្បីល្បាញខាងសំដែងកីឡាដ៏មានគ្រោះ​ តាមរយៈការប្រើប្រាស់ឧបករណ៍សណ្ដោងខ្លួនហោះ​សំកាំងនៅលើអាកាស បានជួបឧបទ្ទវហេតុអំឡុងពេលហ្វឹកហាត់ រហូតស្លាប់បាត់បង់ជីវិតនៅទីក្រុងឌូបៃ។

លោក Vincent Reffet ដែលមានវ័យ ៣៦ឆ្នាំ ទទួលបានភាពល្បីល្បាញ​ដោយសារសំដែង​កីឡាគ្រោះថ្នាក់ជាច្រើននៅក្នុងអាជីពរបស់លោក ដោយរួមបញ្ចូលទាំងការលោតពីលើអគារខ្ពស់ជាងគេនៅលើពិភពលោក គឺអគារ Burj Khalifa ។

សេចក្តីថ្លែងការណ៍មួយ បានឱ្យដឹងថា លោក Reffet បានស្លាប់ "អំឡុងពេលហ្វឹកហាត់នៅឌូបៃ" ប៉ុន្តែគេមិនបានផ្តល់ព័ត៌មានលម្អិតបន្ថែមទៀតទេ។ ហើយការស៊ើបអង្កេតលើការស្លាប់របស់លោក ពេលនេះក៏កំពុង​ធ្វើឡើងដែរ។

គួរជម្រាបថា លោក Reffet ដែលជាអត្តពលិក​មានទេពកោសល្យ បានក្លាយជាផ្នែកមួយរបស់ក្រុមហ៊ុន Jetman Dubai ត្រូវបានបង្កើតឡើងដោយបុរសសញ្ជាតិ​ស្វីស​វ័យ ៥៩ឆ្នាំ ​​លោក Yves Rossy ៕

លោក Vincent Reffet ​
លោក Vincent Reffet
វីដេអូ
វីដេអូ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]