បរទេស៖ ក្រុមហ៊ុន Apple បានបញ្ចេញកំណែ update iOS 14.2.1 ជាមួយនឹងការដោះស្រាយបញ្ហាមួយចំនួន រួមទាំងការដោះសោរដែលមិនដំណើរការលើ iPhone 12 mini។ អ្នកប្រើប្រាស់មួយចំនួនបានរាយការណ៍អំពីបញ្ហាទាក់ទងនឹងអេក្រង់ចាក់សោរភ្លាមៗ។

ពួកគេមានបញ្ហាក្នុងការអូសឡើងលើនៅផ្ទៃអេក្រង់ចាក់សោរ នៅពេលព្យាយាមដោះសោរ ខណៈពេលជាមួយបញ្ហាទាក់ទងនឹងការចុចលើមុខងារ flashlight ឬប៊ូតុងចុច camera ផងដែរ។ វាមិនច្បាស់ទេថា តើអ្វីបណ្ដាលឲ្យមានបញ្ហា ហើយប្រហែលជាក្រុមហ៊ុន Apple បានរកឃើញដំណោះស្រាយបានហើយ និងសង្ឃឹមថាកំណែ update នេះនឹងដោះស្រាយបញ្ហាសម្រាប់អ្នកប្រើប្រាស់ ដែលកំពុងជួបប្រទះនូវបញ្ហានេះ។

ក្រុមហ៊ុន Apple និយាយថា ប្រព័ន្ធប្រតិបត្តិការ iOS 14.2.1 ក៏នឹងដោះស្រាយបញ្ហាជាមួយកម្មវិធីសារ MMS ដែលមិនអាចផ្ញើចូល និងដោះស្រាយបញ្ហាគុណភាពសំឡេងរបស់ឧបករណ៍ផ្សេងៗ។ ប្រសិនបើអ្នកចង់ទាញយកនិងដំឡើងបច្ចុប្បន្នភាពថ្មីឥឡូវនេះ អ្នកអាចចូលទៅមីនុយ Software Update នៅក្នុង setting ដើម្បីឆែករកមើល នៅលើឧបករណ៍របស់អ្នក៕

កំណែ update iOS 14.2.1

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ