Cesc Fabregas និយាយបែបនេះទៅកាន់ Jose Mourinho និង Pep Guardiola

ខ្សែបម្រើរបស់ក្រុម Monaco កីឡាករ Cesc Fabregas បាននិយាយថារូបគេបានចាត់ទុកអតីតគ្រូបង្វឹករបស់រូបគេនៅ Chelsea គឺលោក​ Jose Mourinho ប្រៀបដូចជាមិត្តភក្តិរបស់រូបគេអ៊ីចឹង ស្របពេលរូបគេលែងមានទំនាក់ទំនងជាមួយអតីតគ្រូបង្វឹកកាលពីនៅក្រុម Barcelona គឺលោក Pep Guardiola។

កីឡាករវ័យ ៣៣ ឆ្នាំរូបនេះចំណាយពេលលេងក្រោមការដឹកនាំរបស់គ្រូបង្វឹក Pep Guardiola នៅ Barcelona បានរយៈពេលមួយរដូវកាលមុនពេលគ្រូបង្វឹករូបនេះបានចាកចេញពីទឹកដី Camp Nou នៅឆ្នាំ ២០១២។

យ៉ាងណាមិញ រូបគេនៅតែមានទំនាក់ទំនងជាមួយគ្រូបង្វឹក Jose Mourinho ដដែល ដោយរូបគេធ្លាប់បានលេងក្រោមការដឹកនាំរបស់គ្រូបង្វឹក Jose Mourinho បានរយៈពេល ១៩ ខែនៅកីឡដ្ឋាន Stamford Bridge មុនពេលដែលគ្រូបង្វឹករូបនេះចាកចេញកាលពីឆ្នាំ ២០១៥។  

គួរបញ្ជាក់ផងដែរថា កីឡាករ Cesc Fabregas បានលើកពាន Copa del Rey ជាមួយនឹង Barcelona ក្រោមការដឹកនាំរបស់គ្រូបង្វឹក Pep Guardiola ហើយនៅពេលដែលរូបគេកំពុងលេងឲ្យក្រុម Chelsea ក្រោមការដឹកនាំរបស់គ្រូបង្វឹក Jose Mourinho វិញគឺរូបគេបានលើកពាន Premier League និង Carabao Cup នារដូវកាល ២​០១៤ -២​០១៥៕