អបអរសាទរ! ចំពោះការមកដល់នៃសេវាកម្ម Huawei Pay នៅក្នុងប្រទេសម៉ាឡេស៊ី

កូឡាឡាំពួ៖ នៅថ្ងៃទី ១៧ ខែវិច្ឆិកាឆ្នាំ ២០១២ នេះ ក្រុមហ៊ុន Huawei បានប្រកាសពីការមកដល់នៃសេវាកម្ម Huawei Pay នៅប្រទេសម៉ាឡេស៊ីដោយចាប់ដៃគូជាមួយធនាគារ UnionPay អន្តរជាតិ និងធនាគារឧស្សាហកម្មនិងពាណិជ្ជកម្មចិន (ICBC) ។

តំណាងក្រុមហ៊ុន Huawei បាននិយាយនៅក្នុងសេចក្តីថ្លែងការណ៍មួយថាការទូទាត់ឥឡូវនេះត្រូវបានធ្វើឱ្យមានភាពងាយស្រួលនិងមានសុវត្ថិភាពជាងមុននៅក្នុងប្រទេសម៉ាឡេស៊ីដោយគ្រាន់តែបន្ថែមកាតធនាគាររបស់ខ្លួនទៅក្នុងសេវាកម្ម Huawei Pay ដែលជាឧបករណ៍ទូទាត់ប្រាក់តាមទូរស័ព្ទដែលផ្តល់ជូននូវសេវាកម្មទូទាត់ឥតគិតថ្លៃសម្រាប់អ្នកប្រើប្រាស់ទូរស័ព្ទស្មាតហ្វូន Huawei ។

យោងតាមសេចក្តីថ្លែងការណ៍ ធនាគារឧស្សាហកម្មនិងពាណិជ្ជកម្មចិន (Malaysia) គឺជាស្ថាប័នហិរញ្ញវត្ថុដំបូងគេនៅប្រទេសម៉ាឡេស៊ីដែលបានគាំទ្រសេវាកម្ម Huawei Pay ។

តាមរយៈភាពជាដៃគូនេះ អ្នកកាន់ប័ណ្ណឥណទាន ICBC UnionPay នឹងស្ថិតក្នុងចំណោមអតិថិជនដំបូងគេនៅប្រទេសម៉ាឡេស៊ីដែលទទួលបានបទពិសោធន៍ក្នុងការទូទាត់តាមទូរស័ព្ទស្មាតហ្វូន Huawei របស់ពួកគេ៕

ប្រភព៖ ទីភ្នាក់ងារសារព័ត៌មានស៊ីនហួរ