នៅចាំម្ចាស់បទ «ដំបៅបេះដូង» សន សូលីនកា ទេ? ពេលនេះក្លាយទៅជាអ្នកម្តាយកូនពីរ ក្រោយឃ្លាតឆ្ងាយពីសិល្បៈ

ភ្នំពេញ៖ អតីតតារាចម្រៀងស្រីល្បីមួយរូបប្រចាំផលិតកម្មរ៉ក់នាអំឡុងឆ្នាំ២០០៨ អ្នកនាង សន សូលីនកា ដែលត្រូវបានទស្សនិកជននាជំនាន់នោះស្គាល់ច្បាស់តាមរយៈបទ «ដំបៅបេះដូង» និងបទចម្រៀងជាច្រើនទៀតដែលមានចាក់ក្នុងខ្សែភាពយន្តភាគខ្មែររបស់ទូរទស្សន៍ CTN ពេលនេះអ្នកនាងបានកសាងគ្រួសារមួយដ៏កក់ក្តៅ ក្រោយពីបញ្ចប់ទាំងស្រុងនូវអាជីពជាតារាចម្រៀង។

ជានិច្ចកាល សន សូលីនកា តែងតែបង្ហោះរូបថតជុំគ្រួសារទៅលើបណ្តាញសង្គមហ្វេសប៊ុករាល់ពេលដែលធ្វើដំណើរកម្សាន្តទៅកាន់កន្លែងផ្សេងៗ ដែលមើលទៅពិតជាមានសុភមង្គលមែនទែន ហើយអ្វីដែលគួរឱ្យចាប់អារម្មណ៍នោះ គឺអ្នកនាងមានកូនប្រុសស្រី ២រូបដ៏គួរឱ្យស្រលាញ់ថែមទៀតផង។

គួររំឮកផងដែរថា នាចុងឆ្នាំ២០១២ ក្រោយពេលដែលផលិតកម្មរ៉ក់មិនអាចដំណើរការតទៅមុខទៀតបាន ពេលនោះ សូលីនកា ក៏បានសម្រេចចិត្តសាងនូវចំណងអាពាហ៍ពិពាហ៍មួយ​ ហើយក៏មិនបានបន្តដំណើរលើវិថីសិល្បៈដូចមិត្តរួមទ្រនំមួយចំនួនឡើយ៕

សូមទស្សនារូបភាពខាងក្រោម៖