តារាៗដំណាលគ្នា ចាស់ៗអស់ហើយ នៅឡើយសុខ ស្រីនាង គ្មានប្រែ ខណៈយករូប៥ឆ្នាំ មកប្រៀបនឹងឥលូវ

ភ្នំពេញ៖  តារាមុខស្រទន់ សម្លេងពីរោះ ចង់ស្តាប់ អមជាមួយនឹង ដំណើរសមសួន ស្លូតបូត គួរឲ្យស្រលាញ់ គ្រាន់តែឃើញចរិតបែបនេះ ប្រិយមិត្តទាយមិនខុសនោះទេ ថាជា តារាចម្រៀង សុខ ស្រីនាង ដែលជាតារាស្រីម្នាក់ មានបុគ្គលក្ខណល្អប្រពៃខ្លាំង។

ជាក់ស្តែង បើទោះបីជា ពេលនេះ រូបនាង មិនសូវមានបទចម្រៀងថ្មី នៅក្នុងផលិតកម្មក៏ដោយ ក៏សុខ ស្រីនាង​ នៅតែមិនឲ្យហ្វេនភ្លេចមុខនាងនោះទេ ដោយធ្វើការទំនាក់ទំនងយ៉ាងជិតស្និទ្ធ តាមបណ្តាញសង្គមជាដើម ហើយជួនកាល រូបនាង ក៏បានណាត់ជួប ហ្វេនៗរបស់នាង ញ៉ាំអីនៅខាងក្រៅ ដើម្បីភាពស្និទ្ធស្នាលនឹងគ្នាផងដែរ។

ត្រឡប់មកមើលសម្រស់របស់ តារាស្រីរូបនេះវិញម្តង ដែលជាតារាម្នាក់ មានរូបសម្ផស្សបែបធម្មជាតិ ដោយគ្មានការកែកុន លើទម្រង់មុខរបស់នាងនោះទេ ហើយភាគច្រើន គេក៏តែងសម្គាល់មើលផងដែរថា អ្នកដែលស្អាតពីធម្មជាតិ គឺអាចនិយាយបានថា មិនងាយចាស់ នោះទេ ព្រោះថា បើប្រៀបធៀបនឹង សម្រស់របស់នាង កាលពី៥ឆ្នាំមុន គឺមុខនាង ពេលនេះ និងពីមុន គ្មានប្រែទៅណានោះទេ។

អ្វីដែលកែប្រែ គឺការតុបតែងខ្លួន ទៅលើម៉ូតសក់ សម្លៀកបំពាក់តែប៉ុណ្ណោះ តែបើថា សម្រស់ គឺនៅតែដដែល គ្មានផ្លាស់ប្តូរ ដែលធ្វើឲ្យហ្វេនឆ្ងល់ថា តើ សុខ ស្រីនាង ថែទាំសម្រស់បែបណា បាននៅតែដដែលបែបនេះ ខណៈតារារួមជំនាន់ របស់នាង ចាស់ៗអស់ហើយ នៅតែនាងប៉ុណ្ណោះ មិនព្រមដែរសោះ៕