អាមេរិក៖ ច្រើនឆ្នាំមកហើយភាពល្បីល្បាញ របស់តារាសម្តែងភាពយន្តវាយតប់ លី ស៊ាវឡុង ដែលមានឈ្មោះពិតថា Bruce Lee នៅតែមិនបានសាបរលាបទៅណាសោះឡើយ ទោះបីជាលោកមិនមាននៅលើលោកក៏ពិតមែន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ លី ស៊ាវឡុង កាលពីនៅរស់ជាមនុស្ស ដែលចូលចិត្តល្អចូលចិត្តការចែករំលែកណាស់ ដោយលោកតែងតែចែករំលែកនូវចំណេះដឹងខាងផ្នែកវិជ្ជាគុណនិង ទ្រឹស្តីដែលទាក់ទងទៅនឹង ទស្សនវិជ្ជាដែលលោកធ្លាប់បានសិក្សាថែមទៀតផង។ ក្រៅពីនេះ តារាភាពយន្តម្នាក់នេះ ក៏មានកូនមានពីរនាក់ដោយកូនស្រីបងឈ្មោះ Shannon Leeនិង កូនប្រុសពៅម្នាក់ Brandon Lee ផងដែរ។
ប៉ុន្តែភាពកក់ក្តៅនិង សប្បាយរីករាយក៏បញ្ចប់ដោយ លី ស៊ាវឡុង ក៏បានស្លាប់ទាំងនៅក្មេងចោលកូន ចោលប្រពន្ធទាំងវ័យក្មេងយ៉ាងគួរឲ្យអាណិតដែល កាលនោះ Shannon Lee មានវ័យតែ៤ឆ្នាំតែប៉ុណ្ណោះ រំលងបានប្រហែលជា២០ឆ្នាំក្រោយមក ប្អូនប្រុសពៅខ្លួនក៏បានស្លាប់ដោយសារត្រូវ តារាសម្តែង Michael Massee បាញ់ត្រូវជ្រុលដៃ ខណៈពេលសម្តែងភាពយន្ត ធ្វើឲ្យជីវិតរបស់កូនស្រីច្បងរបស់ លី ស៊ាវឡុង ម្នាក់នេះកាន់តែមានភាពកណ្តោចកណ្តែងទ្វេដង ដោយសារតែបាត់បង់មនុស្សជាទីស្រលាញ់ផងដែរ។
ជាក់ស្តែង ប៉ុន្មានថ្ងៃនេះ កូនច្បងដែលសេសសល់តែម្នាក់ចុងក្រោយពីតំណក់ឈាមរបស់ លី ស៊ាវឡុងបានចែករំលែកបណ្តាំដ៏មានន័យរបស់ឪពុកទៅកាន់មនុស្សគ្រប់គ្នា ដែលមានអារម្មណ៍ថាខ្លួនឯងបាក់ទឹកចិត្ត ដែលសារនោះមានដូចខាងក្រោម៖
ក្នុងន័យដែលលី ស៊ាវឡុង បាននិយាយនេះគឺដើម្បីដាស់តឿនមនុស្ស កុំឲ្យមានអំណួតគិតថាខ្លួនឯងគិតអ្វីក៏ត្រូវជានិច្ចនិង ជាពិសេសគឺចង់លើកទឹកចិត្តដល់មនុស្សគ្រប់រូប ដើម្បីសម្របខ្លួនទៅតាមស្ថានការណ៍និង កាលៈទេសៈ ទោះបីជាមានរឿងអ្វីកើតឡើងក៏ដោយ។
គួររម្លឹកដែរថា Shannon Lee ធ្លាប់មានជំងឺបាក់ទឹកចិត្ត ប៉ុន្តែនៅពេលនេះ នាងបានធូរស្រាលច្រើន ហើយថែមទាំងបានចងក្រងសរសេរសៀវភៅដែលនិយាយអំពីចំនុចសំខាន់ៗទស្សនវិជ្ជារបស់ឪពុករបស់ខ្លួនផងដែរ៕
សូមចូលមើលរូបភាពខាងក្រោម៖