ភ្នំពេញ៖ កញ្ញា ស៊ីន យូប៊ីន ជាសិល្បការិនីមួយរូប ដែលមានទេពកោសល្យច្រើនផ្នែក ជាពិសេស នាងក៏ជាតារាសម្ដែងមួយរូប ដែលមានឈ្មោះល្បីល្បាញខ្លាំង ក្នុងសង្គមសិល្បៈនាពេលបច្ចុប្បន្ននេះ។ ក្រៅពីសមត្ថភាព តារារូបនេះ ក៏មានរូបសម្ផស្សស្រស់ស្អាត ហើយក្មេងជាងវ័យគួរជាទីចាប់អារម្មណ៍ សម្រាប់ទស្សនិកជន និងមិត្តៗយុវវ័យផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាមួយគ្នានេះដែរ កាលពីពេលថ្មីៗនេះ កញ្ញា ស៊ីន យូប៊ីន បានធ្វើឲ្យអ្នកគាំទ្រជាច្រើនប្លែកភ្នែក ក្រោយរួមការងារជាមួយ Influencer វ័យក្មេងលោក David Eung ដោយមួយរយៈពេលចុងក្រោយនេះ គេឃើញអ្នកទាំងពីរបានរួមការងារជាមួយគ្នាជាច្រើនដងផងដែរ។ ម្យ៉ាងវិញទៀត ថ្មីៗនេះតារាប្រុសស្រីពីរដួងនេះ បានថតរូបជាលក្ខណៈគូស្នេហ៍ មើលទៅពិតជាស្វីតដូចគូសង្សារពិតៗតែម្ដង។
ក្រៅពីសកម្មភាពស្វីតៗ និងផ្អែមល្ហែមនោះ គេក៏ឃើញតារាប្រុសស្រីទាំងពីររូបនេះស្លៀកនៅឈុតគូស្នេហ៍ ថតរូបលក្ខណៈ Pre Wedding ដែលមើលទៅលើរូបសម្រស់អ្នកទាំងពីរ ពិតជាស្រស់ស្អាត ស្រស់សង្ហាគួរឲ្យទាក់ទាញខ្លាំងតែម្ដង។ មិនតែប៉ុណ្ណោះ បើទោះបី កញ្ញា ស៊ីន យូប៊ីន ទើបតែបានរួមការងារជាមួយ Influencer វ័យក្មេងរូបនេះក៏ពិតមែន តែនាងនិងកម្លោះសង្ហារូបនេះ បានធ្វើឲ្យហ្វេនៗសរសើរពីរូបសម្បត្តិ និងសកម្មភាពផ្អែមល្ហែមរបស់អ្នកទាំងពីរសឹងមិនដាច់ពីមាត់៕
ប្រភពរូបភាព៖ Sean Sithe Kun
សូមទស្សនារូបភាពខាងក្រោម៖