ចិត្តបុណ្យណាស់! សម្រាលកូនបាន១ខែ សួស វីហ្សា ប្រកាសចែករ៉ូបពោះធំ សម្រាប់អ្នកខ្សត់ជីវភាព

ភ្នំពេញ៖ អស់រយៈពេលជាងមួយខែមកហើយ ដែលតារាចម្រៀងស្រីសម្លេងពីរោះ អ្នកនាង សួស វីហ្សា សម្រាលកូន ក្រោយទទួលបានសមាជិកថ្មីចូលមកក្នុងជីវិត គេឃើញតារារូបនេះ តែងតែថតរូបជុំគ្រួសារជាមួយស្វាមី និងកូនស្រី មើលទៅមានក្ដីសុខខ្លាំងតែម្ដង។ ជាពិសេស គេសង្កេតឃើញតារារូបនេះ តែងតែបង្ហាញនូវស្នាមញញឹមយ៉ាងមានសុភមង្គល ខណៈមានកូនស្រីចូលមកក្នុងជីវិតក្រោយរៀបអាពាហ៍ពិពាហ៍រួច។ 

លើសពីនេះទៅទៀត អាចនិយាយបានថា តារាស្រីរូបនេះពិតជាសំណាង ក្រោយមានស្វាមីរួច ជីវិតរស់នៅប្រចាំថ្ងៃរបស់នាងកាន់តែប្រសើរឡើងទ្វេដង មិនតែប៉ុណ្ណោះ ជីវភាពតារារូបនេះកាន់តែធូរធាជាងមុនគួរឲ្យកត់សម្គាល់។ ជាមួយគ្នានេះដែរ បើត្រលប់ទៅមើលពេលនាងកំពុងពរពោះវិញ គេឃើញតារារូបនេះ តែងតែធ្វើខ្លួនខ្ញង់ៗ ស្លៀកជាមួយនឹងសម្លៀកបំពាក់អ្នកពរធំ មានម៉ូតស្អាតៗ ប្លែកហើយលេចធ្លោតែម្ដង ម្យ៉ាងវិញទៀត គ្រប់ឈុតដែលនាងបានស្លៀក សុទ្ធសឹងតែស្រស់ស្អាត និងទាន់សម័យថែមទៀតផង។ 

ជាក់ស្ដែង មុននេះបន្តិច អ្នកនាង សួស វីហ្សា បានប្រកាសដំណឹងថ្មីមួយ ក្រោយសម្រាលកូនបានជាងមួយខែមកនេះ ដោយនាងចង់យករ៉ូបអ្នកមានទម្ងន់ ទៅចែកជូនបងៗស្រីៗ ដែលកំពុងពរពោះដោយឥតគិតថ្លៃ។ តែនាងក៏បានបញ្ជាក់ផងដែរថា ឈុតទាំងនោះគឺចែកជូនសម្រាប់អ្នកដែលមានជីវភាពខ្វះខាតតែប៉ុណ្ណោះ។ ក្នុងនោះដែរ នាងបាននិយាយបន្ថែមយ៉ាងដូច្នេះថា៖ 

សូមទស្សនារូបភាពខាងក្រោម៖