អាមេរិក៖ អស់រយៈពេលជិតមួយសតវត្សរ៍ តារាវិទូបានយល់ថា សកលលោកស្ថិតនៅក្នុងការពង្រីកខ្លួន។ ចាប់តាំងពីទសវត្សរ៍ឆ្នាំ១៩៩០មក ពួកគេបានយល់ថា កាលពី៤ប៊ីលានឆ្នាំមុន អត្រានៃការពង្រីកខ្លួនរបស់ចក្រវាលមានកម្រិតខ្ពស់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅពេលដែលការវិវឌ្ឍនេះកាន់ខ្លាំងឡើង កញ្ចុំកាឡាក់ស៊ីបានឃ្លាតឆ្ងាយពីគ្នា ហើយក្រុមអ្នកវិទ្យាសាស្ត្របានអះអាងថា សីតុណ្ហភាពជាមធ្យមរបស់សកលលោកនឹងថយចុះជាលំដាប់។ ប៉ុន្តែបើយោងតាមការស្រាវជ្រាវថ្មី ដែលដឹកនាំដោយមជ្ឈមណ្ឌល Center for Cosmology and AstroParticle Physics (CCAPP) ក្នុងរដ្ឋអូហៃអូ បានបង្ហាញថា សកលលោកកាន់តែឡើងកម្ដៅទៅៗ។
បន្ទាប់ពីសង្កេតពីប្រវត្តិនៃសីតុណ្ហភាពក្នុងរយៈពេល១០ប៊ីលានឆ្នាំ ក្រុមអ្នកស្រាវជ្រាវបានសន្និដ្ឋានថា សីតុណ្ហភាពមធ្យមនៃឧស្ម័នក្នុងសកលបានកើនឡើង១០ដង ដែលប្រហែល២.២លានអង្សាសេ ក្នុងពេលបច្ចុប្បន្ន។
មកដល់ចំណុចនេះ អ្នកស្រាវជ្រាវអាចបញ្ជាក់បានថា សីតុណ្ហភាពមធ្យមនៃឧស្ម័ននៅសកលលោក (៤ប៊ីលានឆ្នាំ បន្ទាប់ពីបន្ទុះប៊ីកប៊ែង) គឺមានសីតុណ្ហភាពទាបជាងពេលបច្ចុប្បន្ន នេះគឺដោយសារតែការថមថយកម្លាំងទំនាញរបស់រចនាសម្ព័ន្ធចក្រវាលតាមពេលវេលា នៅពេលសកលលោកកំពុងពង្រីកខ្លួនកាន់តែរហ័ស៕