មានរឿងអី លោកយាយ ទេព បូព្រឹក្ស ត្រូវបញ្ជូនទៅព្យាបាលសម្រាកនៅមន្ទីពេទ្យ

ភ្នំពេញ៖ កញ្ញា ទេព បូព្រឹក្ស ជាតារាចម្រៀងស្រីមួយរូបកំពុងទទួលបានការចាប់អារម្មណ៍ខ្លាំងពីទស្សនិកជនគ្រប់មជ្ឈដ្ឋាន ជាពិសេស ពីមួយឆ្នាំទៅមួយឆ្នាំ តារារូបនេះកាន់តែមានឈ្មោះល្បីល្បាញក្នុងសង្គមសិល្បៈ។ បើនិយាយពីរឿងការងារវិញ នាងសឹងតែគ្មានពេលទំនេរទៅហើយ មិនថាច្រៀង ឬផ្សាយលក់ផលិតផលតាមបណ្ដាញអ៉ីនធើណែត មិនតែប៉ុណ្ណោះ នាងថែមទាំងមានមុខជំនួញក្នុងដៃទៀតផង។ 

ជាមួយគ្នានេះដែរ បើក្រឡេកទៅមើលការរស់នៅនាពេលបច្ចុប្បន្ននេះវិញ តារាស្រីរូបនេះ កាន់តែមានជីវភាពល្អប្រសើរពីមួយថ្ងៃទៅមួយថ្ងៃ លើសពីនេះទៅទៀត នាងក៏កំពុងរស់នៅជុំគ្រួសារយ៉ាងមានសុភមង្គលតែម្ដង។ ដោយគ្រប់ពេល គេតែងតែតែឃើញ តារារូបនេះ ធ្វើរឿងល្អៗទៅកាន់អ្នកមានគុណ និងលោកយាយនាងផ្ទាល់តែម្ដង។ ក្នុងនោះដែរ តារារូបនេះក៏ធ្លាប់បាននិយាយថា កាលដែលនាងខំប្រឹងធ្វើការក៏ដើម្បីគ្រួសារ ចង់ឲ្យគ្រប់គ្នារស់នៅស្រណុកសុខស្រួលផងដែរ។ 

ជាក់ស្ដែង ថ្មីៗនេះ កញ្ញា ទេព បូព្រឹក្ស បានបង្ហោះរូបភាពជាមួយលោកយាយខ្លួន កំពុងដេកសម្រាកព្យាបាលនៅមន្ទីរពេទ្យមួយកន្លែង ដែលធ្វើឲ្យហ្វេននាមានការព្រួយបារម្ភជំនួសនាងគ្រប់គ្នា។ តែតារារូបនេះ នៅមិនទាន់បានប្រាប់ពីមូលហេតុលោកយាយខ្លួនត្រូវបញ្ជូនទៅព្យាបាលនៅមន្ទីពេទ្យនៅឡើយនោះទេ គ្រាន់តែនាងសរសេរសារខ្លីមួយនិយាយយ៉ាងដូច្នេះថា៖ 

ទន្ទឹមនឹងឃើញរូបភាពលោកយាយតារារូបនេះ សម្រាកនៅមន្ទីពេទ្យរួច មានអ្នកគាំទ្រជាច្រើនបានជូនពរឲ្យលោកយាយនាង ឲ្យឆាប់ជាសះស្បើយ និងមានសុខភាពល្អគ្រប់គ្នាតែម្ដង៕

សូមទស្សនារូបភាពខាងក្រោម៖