ម៉ាក សែនសូនីតា រៀបចំពិធីចេញខែកូនប្រុសយ៉ាងសាមញ្ញជាមួយក្រុមគ្រួសារ

ភ្នំពេញ៖ តារាសម្តែងដែលមានរូបរាងខ្ពស់ស្រឡះ អ្នកនាង ម៉ាក សែនសូនីតា ហៅ តូតា កាលពីមួយខែមុននេះទើបនឹងសម្រាលបានកូនប្រុសដ៏គួរឱ្យស្រលាញ់មានសាច់ទ្រលុកទ្រលន់មួយរូបដែលមានឈ្មោះថា ប៉ុល បូនីតតូ ក្រោយចំណងអាពាហ៍ពិពាហ៍កាលពីកំឡុងខែមីនា ឆ្នាំ២០២០។

ដោយឡែកបើគិតមកដល់ត្រឹមថ្ងៃទី១៥ ខែវិច្ឆិកា ឆ្នាំ២០២០ កូនប្រុសតែមួយរបស់តារាសម្តែងខាងលើ មានអាយុ ០១ខែគត់ ហើយអ្នកនាងក៏បានរៀបចំពិធីចេញខែកូនប្រុសនៅឯគេហដ្ឋានយ៉ាងសាមញ្ញជាទីបំផុត ដោយមានការប្រោសទឹកមន្តពីសំណាក់អ្នកម្តាយ និងលោកយាយលោកតារបស់អ្នកនាង។

ទាំងអស់នេះស្តែងឱ្យឃើញថា ទោះបីជាអ្នកនាងមានទ្រព្យសម្បត្តិច្រើនយ៉ាងណាក្តី ក៏អ្នកនាងមិនបានចំណាយលុយខ្ជះខ្ជាយរៀបចំកម្មវិធីធំដុំគគ្រឹកគគ្រេងនោះដែរ៕ 

បើចង់ជ្រាបច្បាស់ សូមទស្សនារូបភាពខាងក្រោម៖