ថៃ៖ មិត្តអ្នកអានដែលតាមដានរឿងភាពយន្តថៃប្រាកដជាស្គាល់គូស្នេហ៍កំពូលតារាសម្តែងមួយគូដែលមានឈ្មោះបោះសំឡេងនៅក្នុងរង្វង់សិល្បៈជាយូរឆ្នាំមកហើយគឺលោក Ter Chantavit និងកញ្ញា Mai Davika ។ ក្នុងពេលថ្មីៗនេះអ្នកទាំងពីរបានបង្កើតពិធីគម្រប់ខួប ៣ឆ្នាំនៃការចាប់ផ្តើមស្រឡាញ់គ្នា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមថ្ងៃទី ១១ ខែវិច្ឆិកាកន្លងទៅនេះ តារាសម្តែងប្រុសសង្ហារូបនេះបានបង្ហោះរូបថតរបស់គាត់ជាមួយកញ្ញានៅលើគណនីបណ្តាញសង្គម Instagram ផ្ទាល់ខ្លួនដោយភ្ជាប់សារដ៏មានភាពផ្អែមល្អែម និងបង្កប់អត្ថន័យថា “១៦.១១ ជាមួយរូបភាព Emoji រូបបេះដូង” និងមានការ Tag ឲ្យគណនីរបស់កញ្ញារូបស្រស់នេះថែមទៀតផង។ ជាក់ស្តែងនៅក្នុងសារដ៏មានអត្ថន័យនេះគឺចង់បង្ហាញពីខែ និងឆ្នាំដែលអ្នកទាំងពីរបានចាប់ដៃគ្នា និងសាងភាពផ្អែមល្អែមជាមួយគ្នាដោយលេខ ១៦តំណាងឲ្យឆ្នាំ២០១៦ រីឯលេខ ១១តំណាងឲ្យខែវិចិ្ឆកា។ មិនត្រឹមតែប៉ុណ្ណោះ កញ្ញា Davika ក៏បានចែករំលែករូបថតរបស់នាងជាមួយរូបលោកនៅលើគណនីបណ្តាញសង្គម Instagram និងបានសរសេរសារដូចគ្នាផងដែរ។
គួរបញ្ជាក់ដែរថា គូស្នេហ៍មួយគូនេះមានទំនាក់ទំនងស្នេហាជាមួយគ្នាអស់រយៈពេល ៣ ឆ្នាំមកហើយ។ អ្នកទាំងពីរបានសាងទំនាក់ទំនងមួយនេះ បន្ទាប់ពីបានសម្តែងជាមួយគ្នានៅក្នុងរឿងភាគរបស់ទូរទស្សន៍ ONE 31 ដែលជាសាច់រឿងថតឡើងវិញនិងមានចំណងជើងថា“Chai Mai Jing Ying Tae”៕
សូមទស្សនានូវរូបភាពលម្អិតរបស់អ្នកទាំងពីរខាងក្រោមនេះ៖