នូ ទឹមស្រីនាថ ទម្លាយមូលហេតុ មិនធ្វើគណៈកម្មការឆ្នាំនេះ ក្រោយប្អូនស្រីក្លាយជាម្ចាស់ពាន Khmer Supper Model

ភ្នំពេញ៖ អតីត Miss Grand Cambodia ២០១៤ អ្នកនាង នូ ទឹមស្រីនាថ ជាតារាស្រីមួយរូប ដែលតែងតែបង្ហាញវត្តមានក្នុងកម្មវិធីដើរបង្ហាញម៉ូត និងជាគណៈកម្មការមួយរូបក្នុងកម្មវិធីដ៏ល្បី  Khmer Supper Model។ ស្ទើរតែរាល់ឆ្នាំ តារាស្រីរូបនេះ តែងតែទទួលបានតំណែងជា Mentor មួយរូប តែឆ្នាំនេះ នាងក៏មិនបានបង្ហាញវត្តមានសារជាថ្មីសម្រាប់ឆ្នាំនេះផ្ទាល់។ 

យ៉ាងណាមិញ បើទោះបីឆ្នាំនេះ តារាស្រីរូបនេះមិនបានធ្វើជា Mentor តែអ្វីដែលចាប់អារម្មណ៍ខ្លាំងនោះ ប្អូនស្រីបង្កើតតារារូបនេះ ក៏បានទៅចូលរួមប្រកួតក្នុងកម្មវិធី  Khmer Supper Model ជំនាន់ទី ១១នេះផងដែរ។ ក្រោយបានចូលរួមប្រកួតអស់ជាច្រើនសប្ដាហ៍កន្លងមកនេះ ប្អូនស្រីតារារូបនេះ បានទទួលជ័យលាភីឯក  Khmer Supper Model ជំនាន់ទី ១១ ដែលនាងមានឈ្មោះ នូ ទឹមស្រីនីត។ 

ជាក់ស្ដែង បន្ទាប់ពីឃើញប្អូនស្រីទទួលបានតំណែងជាម្ចាស់ពាន់រង្វាន់រួចមក ស្រាប់តែអ្នកនាង នូ ទឹមស្រីនាថ បានបង្ហើបប្រាប់ពីមូលហេតុដែលខ្លួនអវត្តមានជា Mentor ក្នុងឆ្នាំនេះ ដោយនាងបាននិយាយថា៖ 

គួរបញ្ជាក់ផងដែរថា មូលហេតុដែលតារារូបនេះ មិនបានធ្វើជា Mentor ក្នុងកម្មវិធី Khmer Supper Model ជំនាន់ទី ១១នេះ ដោយសារប្អូនស្រីនាងបានដាក់ពាក្យចូលរួមប្រកួតប្រជែង ហើយមិនចង់ឲ្យមហាជន គិតថាការប្រកួតប្រជែងប្រើខ្សែ ឬមានបក្សពួក និងមិនមានភាពយុត្តិធម៌ជាដើម ទើបនាងសម្រេចចិត្តផ្អាកធ្វើជា Mentor មួយឆ្នាំបែបនេះ៕

សូមទស្សនារូបភាពខាងក្រោម៖