ភ្នំពេញ៖ តារាសម្ដែង និងពិធីការិនី កញ្ញា សោម ស្រីនាថ ចាប់តាំងពីតារារូបនេះឈានជើងចូលសិល្បៈ រហូតមកទល់ពេលនេះ នាងនៅតែមានប្រជាប្រិយភាពមិនចាញ់ពេលមុនៗប៉ុន្មានឡើយ។ ដោយមួយរយៈចុងក្រោយនេះ តារាស្រីរូបនេះ រឹតតែមានភាពមមាញឹកជាមួយការងារសិល្បៈច្រើនជាងមុន ខណៈបានធ្វើជាពិធីការិនីក្នុងកម្មវិធីទូរទស្សន៍ធំមួយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបើងាកទៅមើលជីវិតឯកជនវិញ បច្ចុប្បន្នតារារូបនេះ កំពុងរស់នៅជាមួយប្អូនប្រុសបង្កើតទាំងពីរនាក់ ដោយនាងបានដើរតួជាឪពុកម្ដាយ និងបងស្រីផង ខណៈអ្នកមានគុណទាំងពីរបានចែកឋានទៅហើយ។ បើទោះបីពេលនេះ នាងក្លាយជាមេគ្រួសារ តែតារារូបនេះ ពិតជាបានតស៊ូធ្វើការងារយ៉ាងច្រើន សម្រាប់គ្រួសារ ហើយពេលនេះ តារារូបនេះក៏មានជំនួញថ្មីមួយបន្ថែមពីការងារសិល្បៈផងដែរ។
តួយ៉ាង ទស្សនិកជិកជន ធ្លាប់តែបានឃើញ កញ្ញា សោម ស្រីនាថ សម្ដែង ដើរម៉ូត និងធ្វើពិធីការិនី តែថ្មីៗនេះ នាងបានបង្ហោះវីដេអូបង្ហាញពីសកម្មភាព បកស្រាយនៅបទចម្រៀងបុរាណរួមគ្នាជាមួយនឹងប្អូនប្រុសបង្កើត ដែលស្ដាប់ទៅពិតជាពីរោះរណ្ដុំ មិនចាញ់តារាចម្រៀងអាជីពប៉ុន្មានឡើយ។ ជាពិសេស សម្លេងនាង និងប្អូនប្រុស ពិតជាស៊ីចង្វាក់គ្នា ហើយច្រៀងបានយ៉ាងរលូន ពីរោះតែម្ដង ទោះបីជាលើកទីមួយ សម្រាប់តារាស្រីរូបនេះ និងប្អូនប្រុសក៏ពិតមែន៕
សូមទស្សនារូបភាព និងវីដេអូខាងក្រោម៖