មកស្គាល់ស្ពាន​សត្វដ៏អស្ចារ្យទាំង២១ នៅទូទាំងពិភពលោក ដែលបាន​សង្គ្រោះជីវិតសត្វរាប់ពាន់ក្បាល

បរទេស៖ សត្វព្រៃជាច្រើនក្បាល បានស្លាប់ដោយសារយានយន្ត ដែលមនុស្សប្រើប្រាស់រៀងរាល់ថ្ងៃ។ ហើយចំនួនសត្វព្រៃ ដែល​រងគ្រោះទាំងនោះ គឺបាននឹងកំពុងកើនឡើងពីមួយថ្ងៃទៅមួយថ្ងៃ ​លើសពីការរំពឹងទុករបស់យើងទៅទៀត។ ​

ស្របពេលជាមួយគ្នានេះ រដ្ឋាភិបាល​​​ក៏ដូចជាសមាគមសុខុមាលភាពសត្វនៅទូទាំងពិភពលោក បានសាកល្បង​នូវវិធីច្រើនដូចជា ការ​គូសគំនូសសញ្ញា ​ការដាក់របាំង​ និងវិធី​មួយចំនួនទៀត ដើម្បីការពារសត្វទាំងនោះ។ ប៉ុន្តែដំណោះស្រាយមួយ ដែលហាក់ដូចជាដំណើរការល្អជាងដំណោះស្រាយមុនៗនេះ គឺការសង់ស្ពាន​អាកាស និង​ផ្លូវ​ឆ្លង​កាត់​​សម្រាប់​សត្វ​។

ថ្ងៃនេះដែរ ខ្មែរឡូត សូមនាំប្រិយមិត្តមកស្គាល់ ស្ពាន​សត្វនិង​ផ្លូវ​ឆ្លង​កាត់​​​ដ៏អស្ចារ្យទាំង២១ នៅទូទាំងពិភពលោក ដែលមិនត្រឹមតែជួយសម្រួលដល់ការធ្វើដំណើរឆ្លងកាត់ផ្លូវរបស់សត្វព្រៃប៉ុណ្ណោះទេ។ ប៉ុន្តែថែមទាំងជួយឱ្យពួក​វាមានសុវត្ថិភាព​ទៀតផង។