ប្រធានាធិបតី ដូណាល់ត្រាំ បានបញ្ជាក់កាលពីថ្ងៃអង្គារថា លោកនឹងបន្តការតវ៉ាលើលទ្ធផលបោះឆ្នោតយ៉ាងហោចណាស់មួយសប្តាហ៍ទៀត ដែលបានរារាំងដល់ដំណើរការនៃការផ្ទេរតំណែងដល់រដ្ឋាភិបាលប្រធានាធិបតីទើបជាប់ឆ្នោតថ្មី។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សការអះអាងរបស់លោកត្រាំយ៉ាងដូច្នេះធ្វើឡើងស្របពេលបណ្តាមេដឹកនាំ ដែលមានសម្ព័ន្ធដ៏ជិតស្និទ្ធជាមួយអាមេរិក កាលពីថ្ងៃអង្គារដដែលនេះបានទូរស័ព្ទទៅប្រធានាធិបតីជាប់ឆ្នោតលោក Joe Biden ហើយបានសន្យាថានឹងបន្តសហការណ៍ជាមួយគ្នា។ ប៉ុន្តែអ្នកការទូតកំពូលរបស់អាមេរិកលោក Mike Pompeo បានទទូចថា លោកដូណាល់ត្រាំនឹងនៅតែកាន់អំណាចដដែល។
គួររំឭកថា កន្លងទៅលោក Trump ធ្លាប់បានប្រតិកម្មនឹងសន្លឹកឆ្នោតដែលកំពុងរាប់បណ្តើរៗ ដោយលោកចោទប្រកាន់ថា មានការបន្លំសន្លឹកឆ្នោតក្រោមរូបភាពពីរគឺ៖ មានការបន្លំពេលរាប់សន្លឹកឆ្នោតបោះតាមសំបុត្រ និងសន្លឹកឆ្នោតបោះតាមសំបុត្រហួសពេលកំណត់ តែត្រូវបានយកមករាប់ខុសនីតិវិធីច្បាប់។ បើទោះបែបនេះក្តី ក្រោយមកលទ្ធផលផ្លូវការបង្ហាញថា លោក Joe Biden ទទួលបានសំឡេងគាំទ្រ ២៩០ ទល់នឹង ២១៤ ពោលគឺវ៉ាដាច់លោក Trump តែម្តង៕