យល់ដឹង៖ ហេតុអ្វីគេចាត់ទុក ថ្ងៃ១១ ខែវិច្ឆិកា ជាថ្ងៃដែលល្អបំផុតប្រចាំឆ្នាំ? ព្រោះថ្ងៃនេះ គឺជាថ្ងៃ ទិវានៃការចងចាំ ទូទាំងសាកលលោក ដែលត្រូវបានគេប្រារព្ធធ្វើឡើង នៅក្នុងថ្ងៃទី១១ ខែវិច្ឆិកានេះ ជារៀងរាល់ឆ្នាំ និងជាថ្ងៃនៃ ការបញ្ចប់សង្រ្គាមលោកលើកទីមួយ កាលពីឆ្នាំ១៩១៨ ផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សហើយចេតនា ពិតប្រាកដនៃ ថ្ងៃនេះគឺជា ថ្ងៃនៃការចង់ចាំ បន្ទាប់ពីការផ្តួលរលំ សង្រ្គាមលោកទី១ និងទី២។ ថ្ងៃទី១១ ខែវិច្ឆិកា គឺត្រូវបានគេចាត់ទុកថា ជាថ្ងៃនាំសំណាង និងជាថ្ងៃដ៏ល្អមួយ ដែលមានប្រវត្តិ ដ៏យូរលង់ ដោយវាបានផ្សារភ្ជាប់ សង្គ្រាមនិងសន្តិភាព។ នៅក្នុងប្រតិទិនគ្រឹស្ត វាត្រូវបានគេដឹងថា ជាថ្ងៃ«Martinmas» ឬក៏St. Martin’s Day។
ក៏ប៉ុន្តែក្នុងបរិបទថ្មី ការឈប់សម្រាក ក្នុងថ្ងៃទី១១ ខែវិច្ឆិកានេះ សម្រាប់ប្រទេសមួយចំនួនគឺ ជាថ្ងៃនៃ ការចុះហត្ថលេខា លើកិច្ចព្រមព្រៀងឈប់បាញ់ (ការយល់ព្រមទទួលយកសន្តិភាព) រវាងសម្ព័ន្ធមិត្ត និងប្រទេសអាល្លឺម៉ង នៅក្នុងតំបន់Compiègne នៃភាគខាងជើង នៃប្រទេសបារាំង។
ជាក់ស្តែង ការចុះហត្ថលេខា លើកិច្ចព្រមព្រៀងឈប់បាញ់នេះ ត្រូវបានធ្វើឡើង នៅវេលាម៉ោង១១ ព្រឹក ពោលគឺ ម៉ោង១១ព្រឹក ថ្ងៃទី១១ ខែ១១ នេះតែម្តង។ ក៏ប៉ុន្តែ ទិវានៃការចងចាំនេះ ក៏ត្រូវប្រារព្ធធ្វើឡើង នៅតាមបណ្តាប្រទេសផ្សេងៗ ទៅតាមថ្ងៃខុសៗគ្នាផងដែរ មិនមែន ក្នុងថ្ងៃទី១១ ខែវិច្ឆិកានេះ ទាំងអស់នោះទេ។ ឧទាហរណ៍៖ ប្រទេសកម្ពុជា កំណត់ថ្ងៃទី៧ ខែមករា ប្រារព្ធទិវានៃ ការចងចាំ គឺទិវាជ័យជំនះ លើរបបប្រល័យពូជសាសន៍ ជារៀងរាល់ឆ្នាំផងដែរ។
ហើយអ្វីដែលរឹតតែ ពិសេសទៀតនោះគឺ នៅតាមបណ្តាហាងទំនិញ ជាច្រើនក៏បាន បង្កើតនៅកម្មវិធីបញ្ចុះតម្លៃ ដើម្បីបង្ហាញពី ការអបអរសាទរ ក្នុងថ្ងៃនៃការចងចាំមួយនេះ ដែលជាថ្ងៃដែល អ្នកគ្រប់គ្នាចាត់ទុកថា ជាថ្ងៃល្អមួយ ប្រចាំឆ្នាំផងដែរ៕
ប្រភព៖ officeholiday, jagranjosh