អ្នកឆ្លងកូវីដ១៩ទូទាំងពិភពលោក កើនជាង ៥១.៧ លាននាក់ ខណៈត្រឹមតែ២៤ម៉ោង មានអ្នកឆ្លងថ្មីជាង ៥៣ម៉ឺនករណី។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមតួលេខស្តីពីចំនួនអ្នកឆ្លង និងស្លាប់ដោយសារវីរុសកូវីដ១៩ ពីគេទំព័រអន្តរជាតិ Worldometer គិតត្រឹមព្រឹកថ្ងៃទី១១ ខែវិច្ឆិកានេះ បានបង្ហាញថា ចំនួនឆ្លងជំងឺកូវីដ១៩នៅទូទាំងពិភពលោកបានកើនឡើងដល់ ៥១,៧៨៧,៧៣៨ករណី ហើយក្នុងនោះមនុស្សសរុប ១,២៧៨,៤២២នាក់ស្លាប់ និងជាង ៣៦លាននាក់ បានជាសះស្បើយឡើងវិញ។
ជាការកត់សម្គាល់ ត្រឹមរយៈពេល ២៤ម៉ោង ដោយគិតត្រឹមព្រឹកថ្ងៃទី១០ ខែវិច្ឆិកា មកដល់ព្រឹកថ្ងៃទី១១ ខែវិច្ឆិកា ឆ្នាំ២០២០នេះ ពិភពលោកទាំងមូលរកឃើញអ្នកឆ្លងសរុប ៥៣៣,០៨៣ករណី និងជាង ៩ពាន់នាក់ស្លាប់។
ក្នុងចំណោមអ្នកឆ្លងសរុបទាំងជាង ៥១លាននាក់ខាងលើ គេឃើញសហរដ្ឋអាមេរិក មានអត្រាអ្នកឆ្លងរាលដាលខ្លាំងជាងគេ ដែលគិតមកទល់ពេលនេះ អាមេរិកមានអ្នកឆ្លងសរុបដល់ជាង ១០.៥លានករណី ដោយក្នុងនោះអ្នកស្លាប់សរុបកើនដល់ ២៤៥,៧៧១នាក់។ គ្រាន់តែព្រឹកនេះគេរកឃើញករណីឆ្លងថ្មីជាង ១៣ម៉ឺនករណី និង ១,៣១៦នាក់ស្លាប់នៅប្រទេសមួយនេះ។
សូមបញ្ជាក់ថា តាមតួរលេខចេញពី Worldometer បានបង្ហើបថា រហូតមកដល់បច្ចុប្បន្ន កូវីដ១៩បានឆ្លងរាតត្បាតចូលដល់ប្រទេស និងឧបទ្វីបចំនួន ២១៥ហើយ៕