Kang Daniel និង Jihyo បានបញ្ចប់ទំនាក់ទំនងស្នេហារបស់ពួកគេ បន្ទាប់ពីស្រលាញ់គ្នាជាង ១ឆ្នាំ

កូរ៉េខាងត្បូង៖ គូស្នេហ៍គួរឱ្យស្រឡាញ់មួយគូនេះត្រូវបានគេរាយការណ៍ថា បានបញ្ចប់ទំនាក់ទំនងស្នេហារបស់ពួកគេហើយ ដោយសារតែមានការមមាញឹកនឹងការងារខ្លាំងពេក បន្ទាប់ពីបានទាក់ទងគ្នាអស់រយៈពេល១ឆ្នាំ៣ខែមក។ តារាទាំងពីរមាន ពេលជួបគ្នាកាន់តែតិចទៅៗ ហើយក្រោយមកក៏កាន់តែមមាញឹកនឹងការត្រៀមចេញអាល់ប៊ុមថ្មីទៀត ទើបឃ្លាតឆ្ងាយពីគ្នាដោយមិនដឹងខ្លួន។

អ្នកផ្តល់ព័ត៌មានផ្ទៃក្នុងម្នាក់បាននិយាយថា «តារាទាំងពីរមានគោលដៅមួយយ៉ាងច្បាស់ ពេលដែលពួកគេផ្តោតសំខាន់លើការត្រៀមចេញអាល់ប៊ុម ពួកគេបានជួបគ្នាតិចខ្លាំងណាស់ ហើយមើលទៅពួកគេបានគិត ថាការងារគឺសំខាន់ជាងនៅពេលនេះ»។

គួរបញ្ជាក់ផងដែរថា Kang Daniel និង Jihyo បានទាក់ទងគ្នាជាសាធារណៈកាលពីខែ សីហា ឆ្នាំ ២០១៩ ហើយ ក្រុមហ៊ុនទាំងសងខាងក៏បានបញ្ជាក់ថាជាការពិតផងដែរ។ បន្ទាប់ពីមានការបង្ហោះព័ត៌មានមួយនេះ ក្រុមហ៊ុន JYP និង KONNECT Entertainment បានចេញមកមុខបញ្ជាក់ថាពួកគេពិតជាបានបែកគ្នាពិតមែន៕

សូមទស្សនារូបភាពខាងក្រោម៖

ប្រភព៖ ១