ស្អាតខ្លាំងទៅៗហើយ! ទោះវ័យកាន់តែច្រើន សុខ ស្រីនាង តែងខ្លួនបែបនេះ មើលទៅកាន់តែស្អាត

ភ្នំពេញ៖ សព្វថ្ងៃនេះតារាចម្រៀងជើងចាស់ សុខ ស្រីនាង នៅតែមានឈ្មោះបោះសម្លេងដដែល នៅក្នុងវិស័យសិល្បៈនៅក្នុងប្រទេសកម្ពុជា ដោយកេរ្តិ៍ឈ្មោះនៅតែល្បីដូចដើម មិនខុសពីអតីតកាលប៉ុន្មានឆ្នាំនោះឡើយ។

ជាការពិតណាស់ ក្រៅពីមានឈ្មោះជាតារាចម្រៀងល្បី ម្ចាស់បទរូបនេះ គឺមិនមែនមានតែទេពកោសល្យមួយមុខនេះទេ គឺមានទាំងកញ្ចប់តែម្តង ទាំងសមត្ថភាព ទាំងរូបសម្បត្តិ គឺពិតជាមិនងាយនឹងរកបាន តារាដែលមានទាំងកំប្លេដូច្នេះណាស់។

ដោយឡែក ប្រហែលជាមួយម៉ោងមុននេះ សុខ ស្រីនាង បានបង្ហោះរូប៣សន្លឹក ដោយស្លៀកពាក់តាមរបៀបស្រគត់ស្រគំ ទន់ភ្លន់តាមរបៀបនារីខ្មែរ ដោយមានរ៉ូបពណ៌ផ្កាឈូកខ្ចី ដែលមានភាពសុីចង្វាក់និង ស័ក្តិសមចំពោះរបស់តារារូបនេះ ដែលមានស្បែកខ្ចីបែបសុីជម្ពូរ ដូចបណ្តូលចេកយ៉ាងអញ្ចឹងផងដែរ ដោយបើមួយភ្លែតស្មានតែទេពអប្សរមកពីណាវិញ។

យ៉ាងណាមិញមហាជនចូលមើលព្រោងព្រាត ក្រោយពីបានឃើញដូច្នេះ ពួកគេក៏បាននិយាយសរសើរសម្រស់អាយដលដ៏សែនស្រស់ស្អាត ហើយថែមទាំងសម្លៀកបំពាក់ពណ៌ផ្កាឈូកទៀតដែលធ្វើឲ្យ សម្រស់ក៏ ដូចជាសោភ័ណភាពកើនឡើងទ្វេរដង៕

សូមចូលមើលរូបភាពខាងក្រោម៖