បរទេស៖ ការវិភាគបឋមបង្ហាញថា វ៉ាក់សាំងប្រឆាំងនឹងវីរុសកូរ៉ូណាអាចជួយការពារមនុស្សជាង៩០ភាគរយ ពីការឆ្លងជំងឺកូវីដ-១៩។ ក្រុមអ្នកអភិវឌ្ឍន៍ ក្រុមហ៊ុន Pfizer និង BioNTech បានរៀបរាប់ថា វាជាថ្ងៃដ៏អស្ចារ្យសម្រាប់វិទ្យាសាស្ត្រនិងមនុស្សជាតិ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សវ៉ាក់សាំងរបស់ពួកគេត្រូវបានធ្វើតេស្ដលើមនុស្សចំនួន ៤៣,៥០០នាក់ នៅក្នុងប្រទេសចំនួន៦ ហើយមិនមានការព្រួយបារម្ភអំពីសុវត្ថិភាពនោះឡើយ។ ក្រុមហ៊ុនទាំងពីរនេះគ្រោងនឹងដាក់ពាក្យសុំការយល់ព្រមជាបន្ទាន់ ដើម្បីប្រើប្រាស់វ៉ាក់សាំងនេះនៅចុងខែនេះ។ មិនទាន់មានវ៉ាក់សាំងណាមួយស្ថិតនៅក្នុងបញ្ជី ដែលមានប្រសិទ្ធភាពខ្ពស់ក្នុងរយៈពេលដ៏ខ្លីបែបនេះទេ។
នៅមានបញ្ហាប្រឈមធំៗជាច្រើននៅពេលខាងមុខ ប៉ុន្តែការប្រកាសនេះត្រូវបានស្វាគមន៍យ៉ាងកក់ក្ដៅ ជាមួយក្រុមអ្នកវិទ្យាសាស្ត្រដែលសង្ឃឹមថា ជីវិតអាចនឹងវិលត្រឡប់ទៅរកភាពប្រក្រតីវិញ នៅពេលខាងមុខនេះ។
ទិន្នន័យបង្ហាញថា អ្នកចូលរួមត្រូវការបីសប្ដាហ៍ដើម្បីទទួលបានវ៉ាក់សាំងពីរដូស។ ការសាកល្បងនៅសហរដ្ឋអាមេរិក អាល្លឺម៉ង់ ប្រេស៊ីល អាហ្សង់ទីន អាហ្វ្រិកខាងត្បូង និងតួកគី បង្ហាញការការពារ៩០ភាគរយ ដែលមើលឃើញលទ្ធផលក្នុងរយៈពេល៧ថ្ងៃ បន្ទាប់ពីទទួលបានការចាក់វ៉ាក់សាំងជាលើកទីពីរ។
ទោះជាយ៉ាងណាក៏ដោយ ទិន្នន័យដែលបានបង្ហាញ មិនមែនជាការវិភាគចុងក្រោយទេ ពីព្រោះវាផ្អែកទៅលើចំនួនអ្នកស្ម័គ្រចិត្ត៩៤នាក់ដំបូងប៉ុណ្ណោះ ដើម្បីអភិវឌ្ឍវ៉ាក់សាំងកូវីដ ដូច្នេះប្រសិទ្ធភាពច្បាស់លាស់នៃវ៉ាក់សាំងអាចផ្លាស់ប្ដូរ នៅពេលលទ្ធផលពេញលេញត្រូវបានគេវិភាគ៕