កូនស្រី សួស វីហ្សា ទទួលបានចំណងដៃ៥ម៉ឺនដុល្លារ នៅក្នុងថ្ងៃបង្កក់ខែ

ភ្នំពេញ៖ តារាចម្រៀង អ្នកនាង សួស វីហ្សា និងស្វាមី បានរៀបចំកម្មវិធីបង្កក់ខែដល់កូនស្រីដំបូងរបស់ខ្លួន គឺនាងតូច ថង សាម៉ូលីណា ហៅ ជេនី នៅថ្ងៃទី៩ ខែវិច្ឆិកា ឆ្នាំ២០២០នេះ ដោយបានអញ្ជើញភ្ញៀវកិត្តិយសចំនួន៣០តុ។ កម្មវិធីខាងលើ បានធ្វើឡើងយ៉ាងអធិកអធម ព្រមទាំងមានការរៀបចំដេគ័រនៅក្នុងកម្មវិធីមានផ្កាស្រស់ មើលទៅស្រស់ស្អាត ប្រណីតតែម្ដង។ មុនដល់ពេលវេលាទទួលភ្ញៀវ តារាចម្រៀងស្រីរូបនេះ រូមជាមួយនឹងស្វាមី បានរៀបចំពិធីសូត្រមន្តបង្កក់សិរីដល់កូនស្រី ដោយមានការចូលរួមពីសំណាក់ឪពុកម្តាយ និង ក្រុមគ្រួសាររបស់តារាទាំងពីរផងដែរ។

អ្វីដែលកាន់តែពិសេសជានេះទៅទៀតនោះ នៅកម្មវិធីនាងតូច ថង សាម៉ូលីណា បានទទួលចំណងដៃបង្កក់សិរីចេញខែដំបូងដល់ទៅ៥ម៉ឺនដុល្លារ។

គួរជម្រាបផងដែរថា ចំណងដៃ៥ម៉ឺនដុល្លារនោះ គឺមានការចងដោយអ្នកនាង សួស វីហ្សា ចំនួន ៩៩០០ ដុល្លារ និង ស្វាមីចំនួន ៩៩០០ រយដុល្លារ ចំណែក ចំនួនផ្សេងទៀតគឺពីលោកតា លោកយាយ អ៊ំ ពូ មីង របស់នាងតូច ថង សាម៉ូលីណា ផងដែរ នេះបើតាមវីដេអូ Live លើផេកផ្លូវការរបស់ អ្នកនាង សួស វីហ្សា៕  

សូមទស្សនារូបភាពខាងក្រោម៖