បាងកក៖ ប្រទេសថៃបានប្រកាសរកឃើញអ្នកឆ្លងកូវីដ១៩ថ្មីចំនួន ៣នាក់ បន្ថែមទៀតនៅថ្ងៃច័ន្ទនេះ ដែលធ្វើឱ្យតួលេខអ្នកឆ្លងសរុបបានកើនឡើងដល់ ៣,៨៤០នាក់។ នេះបើយោងតាមទីភ្នាក់ងារព័ត៌មាន Bangkok Post ចេញផ្សាយនៅថ្ងៃទី៩ ខែវិច្ជិកា ឆ្នាំ២០២០។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមជ្ឈមណ្ឌលរដ្ឋបាលស្តីពីស្ថានភាពជំងឺកូវីដ១៩ក្នុងប្រទេសថៃបានឱ្យដឹងថា អ្នកជំងឺកូវីដ១៩ថ្មីនេះគឺជាអ្នកដំណើរមកពីក្រៅប្រទេស ដោយក្នុងនោះរួមមាន អ្នកដំណើរជនជាតិអេត្យូពីចំនួន ២នាក់ និងអ្នកដំណើរជនជាតិអូម៉ង់ម្នាក់។
គួរជម្រាបថា បច្ចុប្បន្នប្រទេសថៃមានអ្នកស្លាប់ដោយជំងឺកូវីដ១៩ចំនួន ៦០នាក់ អ្នកជាសះស្បើយ ៣,៦៦១នាក់ ខណៈអ្នកជំងឺចំនួន ១១៩នាក់ទៀត គឺកំពុងសម្រាកព្យាបាលនៅមន្ទីរពេទ្យ៕