បរទេស៖ ចំនួនករណីឆ្លងសរុបនៃវីរុសកូរ៉ូណាដែលបានបញ្ជាក់ មានចំនួនជាង៥០លាននាក់នៅលើពិភពលោក បន្ទាប់ពីមានចំនួនករណីឆ្លងថ្មីក្នុងប្រទេសជាច្រើន។ យោងតាមសាកលវិទ្យាល័យ Johns Hopkins university បានឲ្យដឹងថា មនុស្សជាង១.២៥លាននាក់ឥឡូវនេះបានស្លាប់ បន្ទាប់ពីបានឆ្លងវីរុសនេះ។ ប៉ុន្តែចំនួនពិតប្រាកដត្រូវបានគេគិតថា មានអត្រាខ្ពស់ជាងនេះ ដោយសារតែការធ្វើតេស្ដមិនគ្រប់គ្រាន់ នៅក្នុងប្រទេសជាច្រើន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សសារព័ត៌មានរ៉យទ័របានរាយការណ៍ថា រលកទីពីរនៃវីរុសនេះមានចំនួន១ភាគ៤ នៃករណីឆ្លងទាំងអស់។ ទ្វីបអឺរ៉ុបដែលមានករណីឆ្លងជាង១២.៥លាននាក់ និងអ្នកស្លាប់៣០៥,៧០០នាក់ បានក្លាយជាចំណុចក្ដៅសាជាថ្មី បន្ទាប់ពីធ្លាប់ជាចំណុចស្នូលនៃការឆ្លងរាលដាលកាលពីដើមឆ្នាំនេះ។
នៅសហរដ្ឋអាមេរិក គ្រាន់តែចំនួនជាង១០លាននាក់បន្តិច ត្រូវបានធ្វើតេស្ដវិជ្ជមាននៃវីរុសកូរ៉ូណា។ គេបានឃើញថា ប្រទេសនេះមានករណីឆ្លងរហូតដល់ ១២៥,០០០នាក់ ក្នុងមួយថ្ងៃ រយៈពេលបីថ្ងៃជាប់ៗគ្នា។ ប្រធានាធិបតីជាប់ឆ្នោតអាមេរិក លោក ចូ បៃដិន បានប្ដេជ្ញាចាត់វិធីសាស្ត្រខ្លាំងក្លាជាងមុន ចំពោះជំងឺរាតត្បាតនេះ បន្ទាប់ពីលោក ត្រាំ មិនបានរឹតបន្តឹង ហើយថែមទាំងប្រឆាំងនឹងវិធានការសុខភាពសាធារណៈ រួមមានការពាក់ម៉ាស់និងគម្លាតសុវត្ថិភាពសង្គម៕