ភ្នំពេញ៖ «ភូមិ ខ្ញុំ update» មិនត្រឹមតែជាបទចម្រៀងពេញនិយមខ្លាំងក្នុងខែនេះ របស់ផលិតកម្ម Galaxy Navatra លើបណ្ដាញយូធូប ប៉ុណ្ណោះទេ បើយើងងាកមកមើលលើបណ្ដាញសង្គមដ៏ពេញនិយម TikTok វិញ គេឃើញមានអ្នកលេងលើបណ្ដាញនេះ យកទៅច្រៀងតាម ឬ Cover ជាច្រើន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅក្នុងនោះមានគណនី TikTok មួយក្នុងចំណោម TikTok ជាច្រើនលាននាក់ ដែលកំពុងពេញនិយមនៅប្រទេសកម្ពុជា ជាគណនីតារាចម្រៀងជនពិការភ្នែក ឈ្មោះ PL កម្សាន្ត បានយកបទ «ភូមិ ខ្ញុំ update» ទៅ Cover ច្រៀងធ្វើឲ្យមានការចាប់អារម្មណ៍ជាខ្លាំង គួបផ្សំគាត់ច្រៀងកាឡៃ បែបសប្បាយៗ ចំរដូវទឹកជំនន់ផងនោះ។
តាមការបង្ហាញបទ ច្រៀង «ភូមិ ខ្ញុំ update» ដែលគណនី TikTok PL កម្សាន្ត យកទៅច្រៀងនោះ មានអ្នកឲ្យបេះដូងរហូតដល់ទៅជាង 330.3k និងមានអ្នកចូល Comment ក៏ដូចជាការ Share សរសើរជាច្រើនពាន់នាក់។
ទន្ទឹមគ្នានោះដែរ នៅតាមភូមិស្រុក ធុងបាស់ អកកេស អកកាដង់ ផាប់ ឬបៀរកាឌិនជាដើម បទចម្រៀង របស់ផលិតកម្ម Galaxy Navatra កំពុងតែវាយលុយខ្លាំង នៅកន្លែងណាក៏មានការចាក់ ឬច្រៀងបទចម្រៀងរបស់ផលិតកម្មមួយនេះដែរ។
សូមបញ្ជាក់ផងដែរថា បទ «ភូមិ ខ្ញុំ update» ជាស្នាដៃនិពន្ធដោយ កញ្ញា តន់ ចន្ទសីម៉ា និពន្ធ ជូនកំពូលតារាចម្រៀងលោក ព្រាប សុវត្ថិ បច្ចុប្បន្ននេះកំពុងផ្ទុះខ្លាំង ដោយមិននឹកស្មានដល់។ មកដល់បច្ចុប្បន្នបទចម្រៀងមួយបទនេះមានអ្នកចូលទស្សនា ជិត8លានដង ក្នុង រយៈពេលត្រឹមតែ១ខែ នៅក្នុងបណ្ដាញយូធូប៕
ខាងក្រោមនេះ ជាវីដេអូដែលកំពុងទទួលបានការចាប់អារម្មណ៍នៅក្នុង TikTok ៖