បាត់មុខយូរ មាស សាលី សោយសុខលើទឹកដីក្រៅប្រទេស យ៉ាងមានក្តីសុខ

អាមេរិក៖ កាលពីពេលថ្មីៗនេះ តារាចម្រៀងដ៏ល្បីម្នាក់ប្រចាំប្រទេសកម្ពុជា លោក មាស សាលី បានបង្ហាញពីជីវិតនិង ជីវភាពរស់នៅតាមរបៀបសាមញ្ញៗ ជាមួយនឹងគ្រួសារ ប៉ុន្តែមើលទៅគឺមានសេចក្តីសុខខ្លាំងមែនទែន នៅក្នុងសហរដ្ឋអាមេរិក។

ដោយឡែក តារាចម្រៀងរូបនេះបានចាកចេញពីប្រទេសកម្ពុជា ទៅរស់នៅសហរដ្ឋអាមេរិកបានរយៈពេល១ឆ្នាំហើយ​និង ក្នុងរយៈពេលកន្លងមក លោកក៏បង្ហាញអំពីជីវិត បែបបទនៃការរស់និង ការសម្របខ្លួនទៅតាមបែបបទនៃទឹកដីថ្មី ជាមួយនឹងគ្រួសារដ៏សែនកក់ក្តៅផងដែរ ជាងនេះទៅទៀត ជារឿយៗ ម្ចាស់បទ«អង្គរក្សបេះដូង» រូបនេះក៏តែងតែបង្ហោះរូបភាពជាមួយនឹង គ្រួសាររបស់ខ្លួន ដែលមើលទៅពិតជាគួរឲ្យស្រលាញ់ និងមានសុភមង្គលខ្លាំងតែម្តង។

ក្រៅពីនេះទៅទៀត លោក មាស សាលី ក៏តែងតែបញ្ចេញមុខ តាមរយៈបណ្តាញសង្គមហ្វេសប៊ុកជារឿយៗ ដើម្បីធ្វើការ សំណេះសំណាលជជែកលេងជាមួយបងប្អូនហ្វេនៗ  ដែលតែងតែគាំទ្ររូបលោក ពីចម្ងាយផងដែរ ជាពិសេសគឺអ្នកគាំទ្រដែលចង់ដឹងពីសុខទុក្ខអាយដល ដែលបាត់មុខឈឹងពីសិល្បៈមួយរយៈនេះផងដែរ៕

សូមចូលមើលរូបភាពនិង វីដេអូ៖