តាំងពីថ្ងៃទី ៣ វិច្ឆិកាមក ទាំងពលរដ្ឋអាមេរិក និងប្រជាជននៃប្រទេសនានាលើពិភពលោកកំពុងតែទន្ទឹងចាំអ៊ុតមើលលទ្ធផលនៃការបោះឆ្នោតយ៉ាងអន្ទះសារ។ អន្ទះសារដោយម្នាក់ៗចង់ដឹងថាតើរវាងលោក Donald Drump និងលោក Joe Biden ម្នាក់ណានឹងជាប់ឆ្នោតជាប្រធានាធិបតីអាមេរិកនាអាណត្តិបន្ទាប់នេះ?
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបើទោះបែបនេះក្តី ក្រោយរាប់សន្លឹកឆ្នោតបណ្តើរៗ មានមតិជាច្រើនលើកឡើងថា លោក Biden នឹងក្លាយជាប្រធានាធិបតីក្នុងអាណត្តិ ៤ឆ្នាំបន្ទាប់នេះ។ សុទិដ្ឋិនិយមនេះ ដោយពួកគេផ្អែកលើលទ្ធផលសំឡេងឆ្នោតគាំទ្រលើសលប់លើលោក Joe ខណៈសំឡេងឆ្នោតដែលគាំទ្រលោក Drump នៅដាច់ឆ្ងាយនៅឡើយ។
ក្រៅពីការប៉ាន់ស្មាននានា គេក៏សង្កេតឃើញនូវឧបសគ្គខ្លះៗដែលជាហេតុធ្វើឲ្យលទ្ធផលនៃការជាប់ឆ្នោតជាប្រធានាធិបតីនាអណត្តិបន្ទាប់នេះមានភាពអូសបន្លាយ។
បើតាមឯកសារមន្ត្រីសាធារណៈ មានមូលហេតុ ៣យ៉ាងដែលធ្វើឲ្យលទ្ធផលចុងក្រោយនៃការបោះឆ្នោតប្រធានាធិបតីយឺតយ៉ាវ។
១. ការរាប់សន្លឹកឆ្នោតបោះតាមសំបុត្រត្រូវការពេលច្រើន
២. Trump ប្រតិកម្មនឹងសន្លឹកឆ្នោតដែលកំពុងរាប់បណ្តើរៗ ដោយថាមានការបន្លំសន្លឹកឆ្នោតក្រោមរូបភាពពីរ៖
- មានការបន្លំពេលរាប់សន្លឹកឆ្នោតបោះតាមសំបុត្រ និង
- សន្លឹកឆ្នោតបោះតាមសំបុត្រហួសពេលកំណត់ តែត្រូវបានយកមករាប់ខុសនីតិវិធីច្បាប់
៣. ពេលមានបណ្ដឹងអំពីការបោះឆ្នោត ការរាប់អាចត្រូវបានពន្យាពេល ហើយលទ្ធផលចុងក្រោយក៏កាន់តែអូសបន្លាយបន្តទៀត ។
ជាការកត់សម្គាល់ តាមការស្ទង់មតិរបស់សារព័ត៌មាន NBC News បានអោយដឹងថា បញ្ហាសេដ្ឋកិច្ច ការឆ្លងរាលដាលនៃជំងឺកូវីដ១៩ និងភាពរើសអើងជាតិសាសន៍បានក្លាយជាជម្រើសដ៏សំខាន់ សម្រាប់អ្នកបោះឆ្នោតធ្វើការសម្រេចចិត្តជ្រើសរើសលោកត្រាំ រឺក៏គូប្រជែងរបស់លោក គឺលោក Joe Biden។
ពលរដ្ឋអាមេរិករាប់លាននាក់ បានរង់ចាំយ៉ាងអត់ធ្មត់ ដើម្បីធ្វើការបោះឆ្នោត នៅតាមបណ្ណាល័យ សាលារៀន និងតំបន់នានា នៅទូទាំងប្រទេស នៅថ្ងៃនេះដែលជាព្រឹត្តិការណ៍បោះឆ្នោតដ៏តានតឹង និងមានភាពច្របូកច្របល់បំផុតនៅក្នុងប្រវត្តិសាស្ត្រសហរដ្ឋអាមេរិក។
គួររំឭកថា ប្រធានាធិបតីដូណាល់ត្រាំ បាននិយាយដោយសុទិដ្ឋិនិយមថា លោកជឿជាក់ថា លោកនឹងទទួលបានជ័យជម្នះ នៅថ្ងៃបោះឆ្នោតអាមេរិក ហើយលោកបានព្យាករណ៍ថា លោកនឹងត្រូវបានគេកត់ត្រាជាអ្នកឈ្នះឆ្នោតនៅក្នុងរដ្ឋសំខាន់ៗ ដូចជារដ្ឋផ្លរីដា និងអារីហ្សូណា។
យ៉ាងណាថ្មីៗនេះ ស្ថានភាពហាក់មិនសូវជាទោរទៅកាន់លោក Donald Trump ប៉ុន្មានទេ ពោលលោកទើបតែទទួលបាន ២១៤សំឡេងប៉ុណ្ណោះ ហើយលោកអាចជាប់ជាប្រធានាធិបតីបាន លុះត្រាតែសំឡេងគាំទ្រលោកឈ្នះទាំង 05 រដ្ឋដែលមិនទាន់ចេញលទ្ធផលផ្លូវការ (Nevada: 06 សំឡេង, Pennsylvania: 20, North Carolina: 15, Georgia: 16 និង Alaska: 03 សំឡេង) ខណៈ Joe Biden ទទួលបានការគាំទ្រ ២៦៤សំឡេង និងត្រូវការឈ្នះតែរដ្ឋ Nevada មួយទៀតប៉ុណ្ណោះដើម្បីក្លាយជាប្រធានាធិបតី៕