ក្មេងប្រុស​ម៉ាឡេស៊ី​វ័យ៩ឆ្នាំ ឈ្នះការប្រកួត​របស់អង្គការណាសា ​តាមរយៈការច្នៃប្រឌិតបង្គន់​​ប្រើនៅលើឋានព្រះច័ន្ទ

បរទេស៖ ក្មេងប្រុសវ័យ ៩ឆ្នាំម្នាក់ ដែលរស់នៅប្រទេសម៉ាឡេស៊ី បានយកឈ្នះគូប្រជែងជិត ៩០០នាក់ នៅទូទាំងពិភពលោក ​ដោយទទួលបានចំណាត់ថ្នាក់លេខ១ នៅក្នុង​កម្មវិធីប្រកួតប្រជែងរបស់អង្គការណាសា តាមរយៈ​ការរចនាបង្គន់សម្រាប់អ្នកអវកាស។

កម្មវីធីប្រកួតប្រជែងរបស់អង្គការណា ​ឈ្មោះថា  Lunar Loo Challenge បាន​បើ​ក​ឱកាសសម្រាប់បេក្ខជនទូទាំងប្រទេស ដើម្បីឱ្យពួក​គេអាចបង្ហាញសមត្ថភាព ក្នុងការច្នៃប្រឌិតបង្គន់សម្រាប់​អវកាសយានិកប្រើប្រាស់ មុនពេល​បេសកកម្មអវកាសបន្ទាប់ ដែលអង្គការណាសាគ្រោងធ្វើឡើងនៅឆ្នាំ ២០២៤។

​ក្មេងប្រុស Zyson Kang Zy Shun បានបង្ហាញគំនិតច្នៃប្រឌិតរបស់​ខ្លួន ដល់ក្រុមអ្នកវិទ្យាសាស្ត្រណាសានៅថ្ងៃទី ២៨ ខែតុលា តាមរយៈសិក្ខាសាលា​លើប្រព័ន្ធអ៊ីនធើណិត​។ លោក Chong Soo Sheong វ័យ ៤៣ឆ្នាំ មកពីមជ្ឈមណ្ឌលវិទ្យាសាស្ត្រពិភពលោក I-Discovery នៅទីក្រុងកូឡាឡាំពួរ និងជា​អ្នកជួយបង្រៀនក្មេងប្រុស Zyson បាននិយាយថា៖

គួរជម្រាបថា គំនិតច្នៃប្រឌិតរបស់ក្មេងប្រុស​ Zyson បានធ្វើឱ្យអ្នកកាត់សេចក្តីនៅអង្គការណាសា មានការចាប់អារម្ភជាខ្លាំង រហូត​បានផ្តល់រង្វាន់ដល់​ក្មេងប្រុសរូបនេះ នៅ​ចំណាត់ថ្នាក់​ខ្ពស់បំផុត ក្នុងចំណោម​បេក្ខជនចំនួន ៨៩៧នាក់​ មកពី​ ៨៥ប្រទេស៕