សេអ៊ូល៖ ប្រទេសកូរ៉េខាងត្បូងបាននិយាយកាលពីថ្ងៃសុក្រថា ខ្លួនកំពុងពិនិត្យមើលករណីសង្ស័យចំនួន ៤ នៃជំងឺផ្តាសាយបក្សីដែលត្រូវបានរកឃើញពីបក្សីព្រៃ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្រសួងកសិកម្ម ស្បៀងអាហារ និងកិច្ចការជនបទបាននិយាយថា វាអាចចំណាយពេល ៥ ថ្ងៃដើម្បីកំណត់ថាតើវីរុសនេះជាប្រភេទវីរុសផ្តាសាយបក្សី ឬយ៉ាងណា។
នៅក្នុងខែតុលាប្រទេសកូរ៉េខាងត្បូងបានរាយការណ៍ពីការផ្ទុះឡើងនៃជំងឺផ្តាសាយបក្សី H5N8 ចំនួន ២ ករណីនៅទីក្រុង Yongin ដែលស្ថិតនៅភាគខាងត្បូងទីក្រុងសេអ៊ូលនិងទីក្រុងជិតខាង Cheonan ដែលជាការផ្ទុះឡើងដំបូងក្នុងរយៈពេល ៣២ ខែចុងក្រោយនេះ។
ប្រទេសកូរ៉េខាងត្បូងក្រោយមកបានរកឃើញករណីសង្ស័យ ២ បន្ថែមទៀតនៅភាគនិរតីនៃទីក្រុង Gunan និងទីក្រុង Yangju ភាគខាងជើងនៃទីក្រុងសេអ៊ូលដែលក្រោយមកត្រូវបានគេរកឃើញថាមានជំងឺផ្តាសាយបក្សី។ ជំងឺផ្ដាសាយបក្សីដែលមានលទ្ធភាពបង្កជំងឺខ្ពស់គឺឆ្លងខ្លាំងណាស់ ហើយអាចបណ្ឌាលឱ្យមាន់ និងបក្សីផ្សេងទៀតឈឺយ៉ាងខ្លាំងនិងអាចបណ្តាលឱ្យស្លាប់ទៀតផង។
មន្រ្តីការពារជំងឺឆ្លងថ្មីៗនេះបានបើកការស៊ើបអង្កេតនៅជម្រកធំៗ ចំនួន ១០ សម្រាប់បក្សីផ្លាស់ប្តូរទីលំនៅនិងបានពង្រឹងវិធានការការពារនៅកសិដ្ឋានចិញ្ចឹមសត្វក្បែរនោះផងដែរ។
ក្រុមមន្ត្រីកំពុងធ្វើការឃ្លាំមើលយ៉ាងហ្មត់ចត់នៅកសិដ្ឋានចិញ្ចឹមសត្វខ្នាតតូចជាង ៦៥,០០០ កន្លែងនៅក្នុងប្រទេសនេះ ហើយបានបញ្ចប់ការឃ្លាំមើលប្រមាណជាពាក់កណ្តាលនៃចំនួនសរុបទាំងអស់។
ដោយឡែកប្រទេសកូរ៉េខាងត្បូងបាននិយាយថា មិនមានករណីសង្ស័យបន្ថែមទៀតនៃជំងឺគ្រុនក្តៅជ្រូកអាហ្វ្រិក (ASF) ពីសត្វជ្រូកក្នុងស្រុកនោះទេ។
អាជ្ញាធរបានបញ្ជាក់ពីករណី ASF ចំនួន ២ ករណីមកពីខេត្ត Gangwon កាលពីខែមុនដែលជាការកត់សម្គាល់នៃការផ្ទុះជំងឺសត្វលើកដំបូងចាប់តាំងពីខែតុលាឆ្នាំ ២០១៩ ។ កាលពីឆ្នាំមុន ASF បានឆ្លងដល់កសិដ្ឋានចិញ្ចឹមជ្រូកជាច្រើនដែលជម្រុញឱ្យអាជ្ញាធរប្រមូលសត្វជ្រូកប្រមាណ ៤០ ម៉ឺនក្បាលនៅទូទាំងប្រទេសដែលជាផ្នែកមួយនៃវិធានការបង្ការ។ ក្នុងនោះដែរកសិដ្ឋានសរុបចំនួន ១៤ ត្រូវបានឆ្លងជំងឺនេះ។
គួរបញ្ជាក់ផងដែរថា ASF មិនប៉ះពាល់ដល់មនុស្សទេ ប៉ុន្តែវាមានគ្រោះថ្នាក់ដល់សត្វជ្រូក។ បច្ចុប្បន្នមិនមានវ៉ាក់សាំងឬការព្យាបាលសម្រាប់ជំងឺនេះនៅឡើយទេ៕
ប្រភព៖ The Korea Herald