គ្រប់គ្នាគិតមិនដល់ថា ស្ត្រីសម័យបុរេប្រវត្តិចេញទៅបរបាញ់សត្វ មិនឲ្យចាញ់បុរសសោះឡើយ

//s9.kh1.co/77/775e639f80d61f46fc369c884cc9cde1221121ae.jpg
បច្ចេកវិទ្យា

 ០៥-វិច្ឆិកា-២០២០ ១ល្ងាច · ៣ ឆ្នាំមុន

វត្ថុដែលដាក់អមជាមួយសាកសព ទំនងជារបស់ដែលសពធ្លាប់បានប្រើ ក្នុងពេលមានជីវិត។

អាមេរិក៖ បុរសត្រូវចេញទៅប្រមាញ់សត្វ ហើយស្ត្រីត្រូវរស់នៅផ្ដុំគ្នា។ នោះជាទស្សនៈទូទៅនៃបុព្វបុរសក្នុងសម័យបុរេប្រវត្តិរបស់យើង តាំងពីយូរយារណាស់មកហើយ។ ប៉ុន្តែការរកឃើញសពរបស់ស្ត្រីម្នាក់ដែលត្រូវបានបញ្ចុះតាំងពី៩,០០០ឆ្នាំមុន នៅលើភ្នំ Andes ជាមួយនឹងអាវុធនិងឧបករណ៍បរបាញ់ និងការវិភាគនៃតំបន់បញ្ចុះសពជាច្រើន ក្នុងទ្វីបអាមេរិក បានបង្ហាញពីសម័យកាលប្រមាញ់សត្វ ធ្វើជាអាហារ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
គំនូរតំណាងបង្ហាញពីការបរបាញ់សត្វរបស់ស្ត្រី នៅសម័យបុរេប្រវត្តិ
គំនូរតំណាងបង្ហាញពីការបរបាញ់សត្វរបស់ស្ត្រី នៅសម័យបុរេប្រវត្តិ

ស្ត្រីរូបនេះត្រូវបានគេគិតថា មានអាយុចន្លោះពី១៧ទៅ១៩ឆ្នាំ នៅពេលនាងស្លាប់ ហើយត្រូវបានគេកប់ជាមួយរបស់របរជាច្រើន ដែលត្រូវបានគេឲ្យល្បងជាមួយការបរបាញ់សត្វ ដោយប្រើលំពែងគប់។ កន្លែងបញ្ចុះសពត្រូវបានគេរកឃើញ នៅឆ្នាំ២០១៨ ក្នុងកំឡុងពេលជីកនៅទីតាំងដីទួល Wilamaya Patjxa ក្នុងប្រទេសប៉េរូ។

ភេទត្រូវបានកំណត់តាមរយៈការវិភាគឆ្អឹង និងប្រូតេអ៊ីនដែលត្រូវបានរកឃើញនៅលើធ្មេញរបស់គ្រោងឆ្អឹង។ យោងតាមអ្នកបុរាណវិទូបានឲ្យដឹងថា វត្ថុដែលដាក់អមជាមួយសាកសព ទំនងជារបស់ដែលសពធ្លាប់បានប្រើ ក្នុងពេលមានជីវិត។ ទោះបីជាអ្នកប្រាជ្ញខ្លះបានលើកឡើងពីតួនាទីរបស់ស្ត្រីក្នុងការបរបាញ់ពីបុរាណក៏ដោយ ក៏អ្នកផ្សេងទៀតបានច្រានចោលគំនិតនេះ បើទោះបីជាគេបានរកឃើញឧបករណ៍បរបាញ់មួយចំនួន ដែលបានបញ្ចុះជាមួយសាកសពស្ត្រីម្នាក់ក៏ដោយ។

ឧបករណ៍បរបាញ់សត្វ ដែលធ្លាប់បានប្រើនៅសម័យបុរេប្រវត្តិ
ឧបករណ៍បរបាញ់សត្វ ដែលធ្លាប់បានប្រើនៅសម័យបុរេប្រវត្តិ

ដើម្បីពិនិត្យមើលថាតើស្ត្រីដែលបានរកឃើញនៅកន្លែងនេះ ពិតជាធ្លាប់បានរស់នៅតំបន់នេះ ក្រុមអ្នកស្រាវជ្រាវបានពិនិត្យមើលគ្រោងឆ្អឹងចំនួន៤២៩ នៅកន្លែងបញ្ចុះសពចំនួន១០៧ ក្នុងទ្វីបអាមេរិកខាងជើងនិងត្បូង ដែលមានអាយុកាលប្រហែល៨,០០០ទៅ១៤,០០០ឆ្នាំមុន។ ក្នុងចំណោមនោះ មានមនុស្ស២៦នាក់ត្រូវបានកប់ជាមួយឧបករណ៍បរបាញ់ ១១នាក់ជាស្រីនិង១៥នាក់ជាប្រុស។ សំណាកនេះគឺគ្រប់គ្រាន់ ដើម្បីធានាការសន្និដ្ឋានថា ការចូលរួមរបស់ស្ត្រីក្នុងការបរបាញ់ ទំនងជាសកម្មខ្លាំង៕

Chhen Hangly
H.L

អត្ថបទទាក់ទង

//s9.kh1.co/ef/ef760b0f811b181012cac2058b3a6e5f6a63de52.jpg

ក្រុមហ៊ុន Epson សូមណែនាំ EcoBear ជាទូតសុច្ឆន្ទៈតំណាងឱ្យម៉ាស៊ីនព្រីនម៉ូឌែល EcoTank និងបានត្រៀមខ្លួនជាស្រេចដើម្បីនាំយកបច្ចេកវិទ្យាមិនប៉ះពាល់បរិស្ថានដល់វិស័យអាជីវកម្មកម្ពុជា

 ២១-មីនា-២០២៤ 
 ១ល្ងាច · ៨ ថ្ងៃមុន
រក្សាសិទ្ធិ Mediaload
Powered by Bong I.T Bong I.T