សម្រស់ ម៉ាក សែនសូនីតា ឥតប្រែ​ប្រួល​សោះ​ ទាំង​ដែល​ទើប​នឹង​សម្រាល​កូន​បាន​ជាង​កន្លះ​ខែ

ភ្នំពេញ៖ កាលពីថ្ងៃទី១៥ ខែតុលា ឆ្នាំ២០២០កន្លងទៅ អ្នកនាង ម៉ាក សែនសូនីតា ហៅតូតា បានសម្រាលកូនប្រុសដំបូងរបស់ខ្លួន ដោយដាក់ឈ្មោះថា ប៉ុល បូនីតតូ។ ទោះបីជាទើបនឹងសម្រាលកូនបានជាងកន្លះខែក៏ពិតមែន តែគេក៏សង្កេតឃើញថា តារាសម្ដែងស្រីរូបនេះ មានសុខភាពល្អ មាំទាំ និងស្រស់បស់ខ្លះ ធ្វើឱ្យមហាជន ពិសេសគឺអ្នកគាំទ្រមានការភ្ញាក់ផ្អើល ពីសម្រស់ក្រោយពីស្រកគីឡូរួច។

គួរឱ្យដឹងផងដែរថា ក្រោយពេលមានកូន អ្នកនាង ម៉ាក សែនសូនីតា កាន់តែទទួលបានក្ដីស្រលាញ់ និងការថ្នាក់ថ្នមពីស្វាមីកាន់តែខ្លាំងឡើងថែមទៀត ហើយនាងតែងតែបង្ហាញរូបភាពជាលក្ខណៈគ្រួសារនៅលើបណ្ដាញសង្គមជានិច្ច ដែលមើលទៅពិតជាមានសុភមង្គលតែម្ដង។

យ៉ាងណាមិញ កាលពីថ្មីៗនេះ អ្នកនាង ម៉ាក សែនសូនីតា បានបង្ហាញរូបភាពជាច្រើនសន្លឹក ជាមួយនឹងការតុបតែខ្លួនបែបស៊ីវីល័យ យ៉ាងស្រស់ស្អាត ដែលមើលទៅស្ទើរតែមិនដឹងថានាងទើបតែសម្រាលកូននោះឡើយ៕

ចង់ដឹងកាន់តែច្បាស់ សូមទស្សនារូបភាពខាងក្រោម៖