កូរ៉េខាងត្បូង៖ Ryu Hwayoung អតីតសមាជិករបស់ក្រុម T-ara និងជាតារាសម្តែងផងនោះ បានឡើងទំព័រមុខម្តងទៀតហើយ លើកនេះគឺបន្ទាប់ពីតារារូបនេះបានបង្ហាញខ្លួននៅក្នុងកម្មវិធីមួយ បន្ទាប់ពីមិនបានមានសកម្មភាពអ្វីនៅក្នុង រង្វង់សិល្បៈមកពីរឆ្នាំមកហើយនោះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅវគ្គថ្មីដែលទើបតែនឹងចេញរបស់ King of Masked Singer តារាចម្រៀងរូបនេះបានឡើងបញ្ចេញសំនៀងនៅពីក្រោយក្បាំងមុខមួយ ហើយបើទោះជាត្រូវបានជម្រុះចោលតាំងពីវគ្គដំបូងក៏ដោយ ក៏ទស្សនិកជននៅតែអាចឮសំនៀង របស់តារាម្នាក់នេះម្តងទៀតផងដែរ។ បន្ទាប់ពីបញ្ចេញសមាសភាពរបស់ខ្លួនហើយ Hwayoung ក៏បាននិយាយថា «ខ្ញុំ បាននៅស្ងៀមស្ងាត់អស់រយៈពេលយ៉ាងយូរហើយ ខ្ញុំពិតជាខ្លាចណាស់ថាគ្រប់គ្នានឹងភ្លេចខ្ញុំ»។
ទោះជាយ៉ាងណាក៏ដោយសំឡេង និងសម្តីសារភាពទាំងនេះ មិនមែនជាមូលហេតុដែលធ្វើឱ្យតារារូបនេះបានឡើង ទំព័រមុខនោះទេ តែតារារូបនេះបែរជាធ្វើឱ្យអ្នកគាំទ្រក្រុមរបស់ខ្លួនមានការអាក់អន់ចិត្តជាខ្លាំងដែលបានឃើញតារារូបនេះត្រឡប់មកមានសកម្មភាពម្តងទៀតនៅក្នុងរង្វង់សិល្បៈ ទាំងដែលតារារូបនេះបានជាប់ទាក់ទងនឹងរឿងអាស្រូវ ធ្វើបាបក្រុមចម្រៀងនារីដទៃទៀត ដែលនាំឱ្យក្រុមទាំងមូលមានឈ្មោះមិនល្អ និងនាំបញ្ហាដល់សកម្មភាពផ្សព្វផ្សាយ របស់ក្រុមទាំងមូលនៅពេលនោះផងដែរ។
គួរបញ្ជាក់ផងដែរថា វីដេអូមួយនេះបានទទួលចំនួននៃអ្នកដែលមិនចូលចិត្តយ៉ាងច្រើន ដោយសារការមិនពេញចិត្ត ចំពោះតារាស្រីម្នាក់នេះ៕
សូមទស្សនារូបភាព និងវីដេអូខាងក្រោម៖
ប្រភព៖ 1