យោងតាមរបាយការណ៍នៅក្នុងប្រទេសអ៊ីតាលីបានអោយដឹងថាក្រុម Real Madrid កំពុងតែរៀបចំផែនការសម្រាប់ខ្សែប្រយុទ្ធ Paulo Dybala របស់ក្រុម Juventus ដោយពួកគេមានឆន្ទៈក្នុងការផ្តល់ជូន Vinicius Junior និង Isco ជាថ្នូរនឹងខ្សែប្រយុទ្ធអាហ្សង់ទីនរូបនេះ ។ បច្ចុប្បន្នក្រុម Dybala និងក្រុមសេះបង្កង់ Juventus កំពុងពិភាក្សាអំពីការបន្តកិច្ចសន្យា ប៉ុន្តែ Real Madrid ជឿជាក់ថាពួកគេអាចទាក់ទាញកីឡាករវ័យ ២៦ ឆ្នាំរូបនេះទៅកាន់ទឹកដី Bernabéu ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគ្រូបង្វឹករបស់ Juventus លោក Andrea Pirlo ធ្លាប់បានសរសើរកីឡាករ Isco និងបានបង្ហាញពីបំណងចង់ចុះកុងត្រាជាមួយគាត់កាលពីមុនខណៈដែលក្រុម Juventus មានទំនាក់ទំនងយូរមកហើយជាមួយនឹងការផ្លាស់ប្តូរកីឡាករវ័យ ២៨ ឆ្នាំរូបនេះ ។
Real Madrid ទំនងជានឹងប្រឈមមុខនឹងការប្រកួតប្រជែងជាមួយក្រុម Manchester United និងក្រុមតោខៀវ Chelsea ក្នុងការចាប់អារម្មណ៍លើ Dybala ប៉ុន្តែ Real Madrid មានសង្ឃឹម ថាការផ្តល់ជូន Isco និង Vinicius អាចទាក់ទាញម្ចាស់ជើងឯក Serie A ៩ រដូវកាលជាប់ៗគ្នានេះបានផងដេរ ។
ប្រភព៖ AS English