តៃវ៉ាន់៖ រឿងភាគកំពូលរបស់តៃវ៉ាន់ «Meteor Garden» ដែលមហាជនបានស្គាល់ «ស្នេហាតារា៤ដួង» ដែលរឿងនេះទទួលបានជោគជ័យ ល្បីរន្ទឺយ៉ាងខ្លាំង កាលពី ១៩ឆ្នាំមុន ត្រូវបានគេស្គាល់កាន់តែច្បាស់ ពីតារាសម្ដែងប្រុសតៃវ៉ាន់ Jerry Yan លោក Vic Chou លោក Ken Chu និង លោក VanNess Wu ជា F4 ទូទាំងអាស៊ី។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទន្ទឹមនឹងនេះ បន្ទាប់ពីបានបង្ហាញខ្លួនជាលើកដំបូងនៅក្នុងរឿងភាគមួយនេះ ក្នុងឆ្នាំ ២០០១ ពួកគេទាំងបួន ក៏បានបានបង្កើតក្រុមចម្រៀងបុរសតៃវ៉ាន់ ដែលបានចេញអាល់ប៊ុមចំនួន ៣ គឺ Meteor Rain ក្នុងឆ្នាំ ២០០១ អាល់ប៊ុម Fantasy 4ever ក្នុងឆ្នាំ ២០០២ និង អាល់ប៊ុម Waiting You នៅឆ្នាំ ២០០៧ ។
ជាក់ស្តែងកាលពីថ្មីៗនេះ ក្រុមចម្រៀងប្រុសមួយនេះ បានបញ្ចេញឃ្លីបវីដេអូខ្លីមួយ នៅលើប្រព័ន្ធផ្សព្វផ្សាយសង្គមជាច្រើនរួមទាំង Weibo ដែលបានផ្សព្វផ្សាយ ពីការជួបជុំគ្នា របស់ក្រុម F4 សាជាថ្មីម្តងទៀត ដែលនឹងធ្វើការសម្តែងរួមគ្នា។
ទៀតសោត ពួកគេ បានប្រកាសថា នឹងធ្វើការសម្តែង នៅថ្ងៃសុក្រ ទី ៣០ ខែតុលា នៅមហោស្រពរាត្រី ១០០១ របស់ទូរទស្សន៍ Jiangsu ដែលនេះ ជាការបង្ហាញខ្លួនជាសាធារណៈរបស់ពួកគេលើកដំបូង បន្ទាប់ពីការសម្តែងជុំគ្នា លើកចុងក្រោយ នៅក្នុងកម្មវិធីបុណ្យនិទាឃរដូវ កាលពីឆ្នាំ ២០១៣។
យ៉ាងណាមិញ គ្រាន់តែដំណឹងដ៏គួរឲ្យភ្ញាក់ផ្អើលមួយនេះប្រកាសចេញភ្លាម អ្នកលេងបណ្តាញសង្គម ក៏ដូចជា ហ្វេនៗ របស់ ក្រុមចម្រៀងប្រុសចាស់វស្សារូបនេះ មានសេចក្តីសប្បាយចិត្តជាពន់ពេក ព្រោះកន្លងទៅយូរណាស់មកហើយ ដែលពួកគេខកខានការសម្តែងលើកញ្ចាក់ទូរទស្សនិ៍ និងមិននឹកស្មានថា ពួកគេបានប្រកាសថា នឹងសម្តែងជុំគ្នាសាជាថ្មីម្តងទៀត៕
សូមទស្សនារូបភាពខាងក្រោម៖