ទីក្រុងឡុងដ៍៖ កីឡាករ Zhao Xintong របស់ប្រទេសចិនបានឈានដល់ដំណាក់កាលទី ៣ នៃព្រឹត្តិការណ៍ប្រគួតជើងឯកស្នុកឃ័រ ដោយទទួលបានជ័យជម្នះ ២ លើកនិងស្មើ ១ លើកកាលពីថ្ងៃច័ន្ទ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកីឡាករចិនវ័យ ២៣ ឆ្នាំនិងជាកីឡាករលំដាប់លេខមួយពិភពលោកគឺកីឡាករ Judd Trump មកពីប្រទេសអង់គ្លេសគឺជាកីឡាករទី ១ ដែលឆ្លងផុតដំណាក់កាលទី ២ ខណៈអ្នកឈ្នះក្នុងក្រុមចំនួន ៦ នាក់ទៀតនឹងចូលរួមជាមួយពួកគេក្នុងរយៈពេលបីថ្ងៃបន្ទាប់។
កីឡាករ Zhao បានបាប់ផ្ដើមការប្រកួតក្នុងក្រុម C របស់ខ្លួនក្នុងលទ្ធផល ២-២ ជាមួយកីឡាករ Alexander Ursenbacher ។ មិនត្រឹមតែប៉ុណ្ណោះកីឡាករចំណាត់ថ្នាក់លេខ ៣៤ ពិភពលោករូបនេះក៏បានយកឈ្នះមិត្តរួមជាតិរបស់ខ្លួនគឺកីឡាករ Luo Honghao ក្នុងលទ្ធផល ៣-១ និងបំបាក់ម្ចាស់ជើងឯក Masters គឺកីឡាករ Stuart Bingham ដោយលទ្ធផល ៣-០ ។
កីឡាករ Trump ក៏បានឈ្នះក្នុងក្រុម A ជាមួយនឹងជ័យជម្នះចំនួន ២ លើកនិងស្មើ ១ លើក។ នៅក្នុងការប្រកួតចុងក្រោយរបស់គាត់ជាមួយកីឡាករ Barry Hawkins អ្នកឈ្នះពានចំនួន ១៨ លើករូបនេះត្រូវការពេលវេលាតែ ៣៦ នាទីប៉ុណ្ណោះដើម្បីបញ្ចប់ក្នុងលទ្ធផល ៣-០ ។
កីឡាករទាំង ៣២ នាក់ដែលឈរនៅកំពូលតារាក្នុងក្រុមនីមួយៗនៃដំណាក់កាលទី ១ ត្រូវវិលត្រឡប់មកធ្វើការប្រគួតវិញនៅសប្តាហ៍នេះជាមួយនឹងអ្នកឈ្នះម្នាក់ៗនៃក្រុមទាំង ៨ ដែលឈានទៅដំណាក់កាលទីបីនៅថ្ងៃសុក្រ។
ពីរក្រុមបន្ថែមទៀតក្នុងចំណោម ៤ ក្រុមនៅថ្ងៃសុក្រនឹងត្រូវបន្តឡើងទៅកាន់វគ្គផ្តាច់ព្រ័ត្រដែលនឹងត្រូវប្រគួតនៅល្ងាចថ្ងៃសុក្រ។
ប្រភព៖ ទីភ្នាក់ងារសារព័ត៌មានស៊ីនហួរ