តៃវ៉ាន់៖ បន្ទាប់ពីផ្ទុះរឿងរ៉ាវដ៏ក្តៅគគុក ដែលបណ្តាលឱ្យមានការភ្ញាក់ផ្អើលដល់មហាជន ជុំវិញព័ត៌មានការឈ្លោះប្រកែកគ្នារហូតដល់យំ នៅតាមផ្លូវជាមួយប្តី របស់តារាសម្តែងស្រី Ruby Lin ហៅថា ចៀវៃ ពេលនេះរូបនាង បានបង្ហាញខ្លួនជាសាធារណៈនៅក្នុងការ LIVE ផ្ទាល់ ជាមួយអ្នកគាំទ្រ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអ្វីដែលគួរឲ្យចាប់អារម្មណ៍នោះ គឺអ្នករាល់គ្នាបាន ផ្តោតលើការបង្ហាញនិងឥរិយាបថរបស់ តារាស្រីរូបនេះជាខ្លាំង ដែលគេសង្កេតថា រូបនាង បានប្រើស្នាមញញឹមក្លែងក្លាយ លាក់បាំងភាពមិនសប្បាយរបស់ខ្លួន។
ទន្ទឹមនឹងនេះដែរ អ្នកម៉ាក់កូនមួយរូបនេះ តែងតែញញឹម និងនិយាយឥតឈប់ឈរប្រាស្រ័យទាក់ទងជាមួយអ្នកគាំទ្រពេលកំពុង LIVE ផ្ទាល់ យ៉ាងណាមិញ អ្នកនិយមលេងអ៊ីនធើណែតជាច្រើនបានបញ្ចេញមតិថា តារាស្រីរូបនេះ មិនអាចលាក់បាំងភាពសោកសៅ របស់នាងបានទេ ដូចជានាងកំពុងតែព្យាយាមញញឹមនៅពីមុខកាមេរ៉ាតែប៉ុណ្ណោះ។
យ៉ាងណាមិញ ភរិយារបស់ Wallace Huo មិនបាននិយាយអ្វីទាំងស្រុង អំពីរឿងរ៉ាវដែលបានកើតឡើង ក៏ដូចជាពាក្យចចាមអារ៉ាមអំពីបញ្ហាអាពាហ៍ពិពាហ៍។ មិនត្រឹមតែប៉ុណ្ណោះគេហទំព័រ Sohu បាននិយាយថាតារាស្រីរូបនេះមិនចង់និយាយរឿងនេះឡើងវិញនោះទេ ព្រោះវាងាយក្លាយជាប្រធានបទនៃការពិភាក្សា និងជជែកវែកញែកនៅលើបណ្តាញសង្គមក្នុងអំឡុងពេលនេះ៕
សូមទស្សនារូបភាពខាងក្រោម៖