ប៊្រុយណេ៖ បុត្រាជាទីស្រលាញ់មួយអង្គរបស់ស្ដេចស៊ុលតង់ នៃប្រទេសប៊ុយណេ ព្រះនាម Azim បានយាងចូលទិវង្គត នៅព្រះជន្ម៣៨ព្រះវស្សា កាលពីថ្ងៃសៅរ៍ ទី២៤ ខែតុលាចុងសប្ដាហ៍មុននេះ នាវេលាម៉ោង១០:០០នាទីព្រឹក បន្ទាប់ពីព្យាបាលជំងឺដ៏ធ្ងន់ធ្ងរអស់រយៈពេលជាយូរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមប្រភពព័ត៌មានបានឲ្យដឹងថា ព្រះអង្គ Azim ជាបុត្រាទី៦របស់ស្តេចស៊ុលតង់ និងជាខ្សែទី៤ដែលនឹងត្រូវឡើងគ្រងរាជបល្ល័ង្កផងដែរ។ ចំពោះមូលហេតុពិតប្រាកដនៃការយាងចូលទិវង្គតរបស់ទ្រង់ មិនត្រូវបានគេដឹងច្បាស់ឡើយ តែមានរបាយការណ៍ខ្លះបានលើកឡើងថា ទ្រង់បានទទួលរងនូវជំងឺមហារីក។
ទន្ទឹមនឹងនេះដែរ ដោយគោរពទៅតាមប្រពៃណីអុីស្លាម ពិធីបុណ្យព្រះសពរបស់ទ្រង់ ត្រូវបានប្រារព្ធធ្វើឡើងនៅថ្ងៃដែលទ្រង់យាងចូលទិវង្គតផ្ទាល់តែម្ដង មុនពេលការកាន់ទុក្ខថ្នាក់ជាតិរយៈពេល៧ថ្ងៃត្រូវបានប្រកាស ហើយរាល់ពិធីអបអរផ្សេងៗត្រូវបានហាមឃាត់ផងដែរ។
យ៉ាងណាមិញ បើតាមគេប៉ាន់ស្មាន ទ្រព្យសម្បត្តិដ៏អស្ចារ្យរបស់ព្រះអង្គ Azim មានចំនួនប្រមាណ៥ពាន់លានដុល្លារអាមេរិកឯណោះ នៅពេលទ្រង់យាងចូលទិវង្គត៕
សូមទស្សនារូបភាពខាងក្រោម៖