ចាកាតា៖ ម្ចាស់គ្រងជើងឯកពិភពលោករបស់សង្វៀន ONE ទម្ងន់មធ្យមនិងទម្ងន់ធ្ងន់ដែលមានរហ័សនាម “The Burmese Python” កីឡាករ Aung La Nsang របស់ប្រទេសមីយ៉ាន់ម៉ានឹងត្រូវធ្វើការប្រគួតការពារតំណែងជើងឯកពិភពលោកទម្ងន់មធ្យមរបស់គេទល់នឹងកំពូលកីឡាករ Reinier“ The Dutch Knight” de Ridder របស់ប្រទេសហូឡង់ក្នុងការប្រកួតដ៏ធំមួយរបស់សង្វៀន ONE Championship នៅសប្តាហ៍នេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សការប្រកួតនេះមានឈ្មោះថា ONE: INSIDE THE MATRIX ដែលនឹងត្រូវបានចាក់ផ្សាយផ្ទាល់នៅថ្ងៃសុក្រពីពហុកីឡដ្ឋាន Singapore Indoor ហើយនឹងមានការប្រកួតប្រជែងដណ្ដើមជើងឯកពិភពលោកចំនួន ៤ ក្នុងចំណោមការប្រកួតសរុបចំនួន ៦ ។
ពិសេសជាងនេះទៀតនោះ អ្នកគាំទ្រឥណ្ឌូនេស៊ីទាំងអស់អាចទស្សនាការប្រកួតតាមរយៈបណ្តាញ ONE YouTube, Vidio.com, KaskusTV និង Maxstream ឬរងចាំទស្សនាតាមកម្មវិធីដែលបានចាក់ផ្សាយនៅទូរទស្សន៍ SCTV ក៏បាន។
នៅក្នុងព្រឹត្តិការណ៍ដ៏សំខាន់រួមគ្នានាល្ងាចនេះដែរម្ចាស់ជើងឯកពិភពលោកទម្ងន់ស្រាលកីឡាករ Christian “The Warrior” Lee របស់សិង្ហបុរីក៏នឹងចូលខ្លួនមកធ្វើការប្រគួតការពារតំណែងជើងឯកពិភពលោកជាលើកដំបូងរបស់គេជាមួយនឹងកីឡាករ Iuri Lapicus នៃប្រទេសម៉ុលដាវី។
នៅលើការប្រកាសនេះក៏មានបង្ហាញនូវការប្រគួតដែលអ្នកនិយមចូលចិត្តទស្សនារង់ចាំជាយូរមកហើយរវាងម្ចាស់ជើងឯកទម្ងន់ស្រាលពិភពលោកមួយគូទៀតគឺកីឡាករ Martin “The Situ-Asian” Nguyen នៃប្រទេសវៀតណាមនិងអូស្រ្តាលីជាមួយអ្នកប្រយុទ្ធប្រភេទទម្ងន់ស្រាលលំដាប់ទី ៣ កីឡាករ Thanh Le នៃប្រទេសវៀតណាមនិងសហរដ្ឋអាមេរិក។
ការប្រកួតដណ្តើមជើងឯកពិភពលោកចុងក្រោយនៅល្ងាចថ្ងៃដដែលនេះគឺជាជំនួបរវាងម្ចាស់ជើងឯកពិភពលោកទម្ងន់ស្រាលរបស់ស្ត្រីកីឡាការនី “The Panda” Xiong Jing Nan នៃប្រទេសចិននឹងត្រូវប្រគួតដណ្តើមខ្សែក្រវ៉ាត់ពីកីឡាការនី Tiffany “No Chill” របស់ប្រទេសសិង្ហបុរី។
មិនត្រឹមតែប៉ុណ្ណោះក៏មានការប្រកួតប្រជែងក្បាច់គុនដ៏ទាក់ទាញពីរបន្ថែមទៀតគឺរវាងអតីតជើងឯកទម្ងន់ស្រាលពិភពលោកពីរសម័យកាលកីឡាករ Eduard Folayang នៃប្រទេសហ្វីលីពីនជាមួយនឹងកីឡាករ Antonio “The Spartan” Caruso របស់អូស្ត្រាលី និងកីឡាការនីចំបាប់ឥណ្ឌា Ritu“ The Indian Tigress” Phogat ក៏នឹងត្រូវប្រឈមមុខនឹងកីឡាការនីរបស់កម្ពុជា នូ ស្រីពៅ ផងដែរ។
ប្រភព៖ The Jakarta Post