បរទេស៖ កាលពីពេលថ្មីៗនេះ មានសារព័ត៍មានបរទេសមួយបានផ្សាយថា គ្រួសារមួយ បានទិញផ្ទះមួយខ្នង ព្រមទាំងបាននិយាយថា ផ្ទះខ្លួនមានខ្មោចសណ្ធិត និងបញ្ចេញជាសម្លេងរំខាននៅពេលយប់ ធ្វើឲ្យពួកគេខ្លាចនឹងផ្ទះមួយនេះជាខ្លាំង ប៉ុន្តែស្ថានការណ៍បានផ្លាស់ប្តូរវិញ នៅពេលមានអ្នកជំនាញមួយរូប ចុះមកត្រួតពិនិត្យរកពីប្រភពនៃសម្លេងទើបដឹងពីការពិតច្បាស់ ដែលផ្ទះមួយនេះមានកន្លែងខូចខាត ដែលត្រូវជួសជុលវិញសោះ។

ដោយឡែក បុរសម្នាក់ឈ្មោះថា Andy Simms ដែលជាអ្នកធ្លាប់មានជំនាញទៅលើសំណង់អាគារ បានរកឃើញនឹងបាន ថតសម្លេងដ៏គួរឲ្យព្រឹព្រួចទាំងនោះទុក ព្រមទាំងវិភាគបានយ៉ាងល្អិតល្អន់ថា តើវាចេញមកពីប្រភពណា ហើយវាគឺជាអ្វីឲ្យពិតប្រាកដ?

ក្រោយពីបានស្តាប់ច្បាស់លាស់ និងវិភាគយ៉ាងយូរ មានការវិនិច្ឆ័យបានហើយ អ្នកជំនាញក៏បានពន្យល់យ៉ាងល្អិតល្អន់ដើម្បីឲ្យកុំមានការភ័យខ្លាចនឹងសម្លេងទាំងនោះទៀត ដោយការពិតប្រភពសម្លេងនោះគឺ មកពីបែកទុយោនៅក្នុងផ្ទះ កណ្តុរចោះរន្ធនៅក្នុងជញ្ជាំងនិង ខ្យល់បក់ចូលមកតាមបង្អួចជាដើមតែប៉ុណ្ណោះ។

យ៉ាងណាមិញ លោក Andy Simms ក៏បានបន្ថែមទៀតថា ផ្ទះរបស់យើងនៅពេលខ្លះ វាអាចក្លាយជាកន្លែងដ៏គួរឲ្យខ្លាច ប្រសិនជាយើងមិនបានយល់ពីវាច្បាស់នោះ ដូច្នេះប្រសិនជាលឺសម្លេងចម្លែកនៅក្នុងផ្ទះនោះ សូមស្វែងរកប្រភពនោះដោយខ្លួនឯងសិនឬ គប្បីស្វែងរកអ្នកជំនាញខាងសំណង់អាគារមុនពេលដែល សម្រេចចិត្តថាទៅរកគ្រូខ្មោចមក៕

សូមចូលមើលរូបភាពនិង វីដេអូខាងក្រោម៖

លោកAndy Simms 
លោកAndy Simms 
រូបតំណាងអ្វីដែលម្ចាស់ផ្ទះគិត
រូបតំណាងអ្វីដែលម្ចាស់ផ្ទះគិត
វីដេអូទាំងស្រុង អំពើសម្លេងនិង ការពន្យល់

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]